Да ўпарадкавання і азелянення прылеглага ўчастка актыўна далучыліся сацыяльныя работнікі Капыльскага ТЦСАНа. Дзякуючы іх працы тэрыторыя вакол будучага павільёна становіцца не толькі зручнай, але і акуратнай.
Свята вёскі
Аграгарадок Семежава яскрава і душэўна адзначыў Дзень вёскі. На мясцовай пляцоўцы разгарнулася канцэртная праграма, арганізавалі выставы народных майстроў і забавы для дзяцей. Свята стала выдатнай нагодай адзначыць ганаровых вяскоўцаў, працоўныя дынастыі і праславіць сумесную працу на карысць роднага краю.
Пад кантролем
На тэрыторыі сельсавета сістэматычна наводзяць парадак. Асаблівая ўвага надаецца скошванню пустазелля і травы каля сацыяльна значных аб’ектаў: устаноў адукацыі, культуры, медыцыны і адміністрацыйных будынкаў.
У в. Філіпавічы арганізаваны і праведзены мерапрыемствы па ліквідацыі ачагоў сумніку канадскага. Мясцовыя службы вядуць сістэматычную барацьбу з небяспечнай інвазійнай раслінай, каб спыніць яе далейшае распаўсюджванне і захаваць мясцовую экасістэму.
Комментарии