Старшы інспектар ДПС Сяргей Барадзін разабраў з вяскоўцамі правілы для ўсіх сучасных сродкаў перамяшчэння – ад мапедаў да модных самакатаў. Успомнілі ўсё самае важнае, каб паездкі заставаліся толькі ў радасць. Асобна прайшліся па правілах пажарнай бяспекі: што рабіць, калі ўбачыў дым, і куды тэлефанаваць, пакуль не стала позна.
Акрамя таго, абмяркоўвалася падпіска на раённую газету «Слава працы» (на здымку). Сустрэча прайшла ў цёплай абстаноўцы дзякуючы музычным падарункам ад артыстаў аддзела нестацыянарнага абслугоўвання РЦК Вячаслава Курчыка і Антона Шышмарова.
Абнаўленне памяці
Наведзены парадак на 18 воінскіх пахаваннях, помніках землякам. Асаблівая ўвага нададзена рамонту помніка землякам у в. Смалічы. Цяпер гэтыя месцы годна выглядаюць, захоўваючы памяць пра герояў для будучых пакаленняў.
– Прывядзенне ў парадак святых для кожнага беларуса месцаў – гэта не проста гаспадарчая задача, а даніна глыбокай павагі тым, хто аддаў свае жыцці за мірнае неба над нашай рэспублікай. Работы па падтрымцы парадку будуць працягвацца на рэгулярнай аснове, – адзначыла старшыня сельвыканкама Святлана Сташаніна.
Другое жыццё старых участкаў
У в. Бучаціна прадоўжыліся работы па зносе жылля, якое састарэла і не выкарыстоўваецца.
Знесены пяць пустуючых паўраз-бураных дамоў. На месцы былых сядзіб тэрыторыя ўжо расчышчана ад будаўнічага смецця. Дэмантаж дазволіў не толькі вызваліць зямлю, але і ліквідаваць магчымыя месцы несанкцыянаванага складзіравання адходаў і кропкі збору асацыяльных элементаў, павысіўшы агульную крымінагенную бяспеку населенага пункта.
Комментарии