З дапамогай ЖКХ
На новых грамадзянскіх могілках у аг. Пацейкі завершаны работы па ўсталяванні агароджы. Канструкцыя выканана з бетону за кошт і сіламі Капыльскай жыллёва-камунальнай гаспадаркі.
Ад старых хат да новых участкаў
На тэрыторыі сельсавета праведзены дэмантажы чатырох старых будынкаў. Знесена па адным доме ў вёсках Дарагавіца, Бабавенка, Ржаўка і Печураны. Гэта дазволіць палепшыць санітарны стан населеных пунктаў і вызваліць зямельныя ўчасткі для далейшага ўвядзення іх у севазварот.
Прыбытак з падвор’яў
Працягваецца закуп лішкаў малака з асабістых падсобных гаспадарак жыхароў сельсавета. Праграма накіравана на стымуляванне развіцця прыватных падвор’яў і забеспячэнне стабільнага прыбытку насельніцтва. З пачатку ліпеня ўжо закуплена звыш 1200 тон сыравіны. Кожны дзень тэхніка мясцовага сельгаспрадпрыемства збірае каля 80 літраў малака.
Комментарии