Прафілактыка ўзмоцнена
Адбылося чарговае пасяджэнне савета ГПАП пры сельвыканкаме. У яго рабоце прыняў удзел намеснік начальніка Капыльскага РАУС – начальнік крымінальнай міліцыі Дзмітрый Ліпніцкі. Па выніках разгляду былі прыняты меры прафілактычнага ўздзеяння ў адносінах да трох асацыяльных асоб, якія стаяць на ўліку.
свята першага снапа
Хлебаробы УП «ПІК-Лясное» адзначылі пачатак уборачнай кампаніі. На полі каля в. Лоцвіны адбыўся традыцыйны абрад «Зажынкі». Старт масаваму жніву даў дырэктар Леанід Буцэвіч, блаславіў на добрую справу настаяцель Свята-Троіцкай царквы ў Цялядавічах айцец Генадзь. Культурную праграму падрыхтавалі ўдзельнікі мастацкай самадзейнасці Лоцвінскага цэнтра аматарскай творчасці.
Домаўладанні пад наглядам
Работнікамі сельвыканкама, як адным з суб’ектаў прафілактыкі, праве-дзены рэйдавыя мерапрыемствы. Абследаваны домаўладанні ў вёсках Выня, Каласаўшчына і Язвіны па выкананні жыхарамі правіл супрацьпажарнага рэжыму. Маніторынгам было ахоплена 35 домаўладанняў грамадзян, якія пражываюць пастаянна і часова.
Комментарии