Сустрэча на чароўным Валдаі
Спачатку 26 чэрвеня візіт адбыўся ў братэрскую Расію. Перамовы прайшлі ў нефармальнай абстаноўцы і працягваліся больш за суткі. Не сакрэт, што абразліва-хамскія заявы недапрэзідэнта Тапалінай супраць Мінска многімі сёння ўспрымаюцца як імкненне ЕС рукамі банды Зяленскага ўцягнуць Беларусь ледзь не ў трэцюю сусветную вайну. Бацька ў каторы раз падкрэсліў, што пазіцыя Беларусі міралюбівая, нападаць мы не збіраемся. Дронаў шпуляць таксама, аднак у любой сітуацыі мы будзем з Расіяй разам і побач – і за Саюзную дзяржаву пастаяць здолеем. Наш Прэзідэнт заўсёды гатовы вырашаць многія канфлікты – толькі абавязкова мірнымі, разумнымі сродкамі. Да абмеркавання эканамічнага блока – энергетыкі, прамысловасці – у Валдаі да прэзідэнтаў далучыўся і прэм’ер Міхаіл Мішусцін.
Падчас сустрэчы было адзначана, што на цяперашнім этапе гандлёва-эканамічныя адносіны Расіі і Беларусі развіваюцца рытмічна і шматпланава. Не сакрэт, што плённае міжрэгіянальнае супрацоўніцтва – фундамент Саюзнай дзяржавы. Важнай задачай з’яўляецца менавіта пашырэнне і паглыбленне такога мудрага інтэрнацыянальнага супрацоўніцтва. Дарэчы, сённяшняе міжрэгіянальнае супрацоўніцтва ў агульнай структуры займае ўжо прыкладна 70 працэнтаў. На якасна новы ўзровень выйшлі прамысловыя, адукацыйныя, гуманітарныя сувязі, праекты ў сферы высокіх тэхналогій. Паспяхова развіваецца турыстычны сектар – уцямілі нарэшце: навошта плаціць Еўропе, іншым краінам, з іх турыстычным душком ды безліччу агрэхаў, калі сваё, роднае – значна лепшай якасці. Узаемныя турпаездкі грамадзян вылічаюцца ўжо сотнямі тысяч за год. Усё гэта – шмат у чым вынік удалага, метадычна адпрацаванага супрацоўніцтва, у якое ў той ці іншай ступені ўцягнуты практычна ўсе рэгіёны нашых краін. Наладжваюць сувязі Беларусь і ўз’яднаныя, новыя рэгіёны Расіі – былой Украіны. Нядаўна адразу некалькі беларускіх кампаній праявілі цікавасць да стварэння сваіх прадпрыемстваў у Херсонскай вобласці. Наладжваецца супрацоўніцтва беларускіх прадпрыемстваў з Запарожскай вобласцю, у тым ліку наконт паставак сельгастэхнікі. Пашыраюцца дзелавыя кантакты з ДНР і ЛНР.
У загадкавай Паднябеснай
29 чэрвеня Бацька прыляцеў у Кітай. Лідар КНР Сі Цзіньпінь адразу выказаў задавальненне, што стаў вельмі часта сустракацца з Аляксандрам Лукашэнкам. Апошнія перамовы доўжыліся больш за тры гадзіны. А візіт нашага лідара ў Паднябесную – ужо сямнаццаты па ліку. Не забыты ў Кітаі, вядома ж, быў і ўжо традыцыйны сямейны абед – фармат, які выходзіць па-за межы дыпламатычнага пратакола і ўжо даўно стаў знакам асаблівага даверу і сяброўства паміж Прэзідэнтамі Сінявокай і Паднябеснай. Лідар КНР выразіў гатоўнасць сумесна з Беларуссю «выступаць у якасці стабілізуючай сілы ў нестабільным свеце». Ён ізноў прыгадаў ініцыятыву «Адзін пояс, адзін шлях» у кантэксце мабілізацыі ўсіх рэсурсаў. Сі Цзіньпінь адзначыў, што беларуска-кітайскія адносіны сёння перажываюць гістарычны пік. Ён падкрэсліў: мы пастаянна абменьваемся пунктамі гледжання па міжнароднай павестцы.
Кіраўнік Беларусі акцэнтаваў увагу на тым, што вельмі цэніць станоўчую ацэнку ўзаемаадносін Мінска і Пекіна з боку старшыні КНР. Аляксандр Лукашэнка адзначыў, што гэта якраз тое, пра што гаварылі і ў нейкай ступені нават марылі, пачынаючы глабальнае супрацоўніцтва. Адным з прыкладаў паспяховага ўзаемадзеяння Мінска і Пекіна наш лідар назваў індустрыяльны парк Вялікі Камень, большая частка замежных інвестыцый у якім належыць кітайскім кампаніям. Лукашэнка выказаўся таксама пра прамысловую кааперацыю Кітая і Беларусі, падкрэсліўшы, што 2026–27 гг. былі аб’яўлены гадамі прамысловай кааперацыі Беларусі і Кітая.
Аляксандр Лукашэнка падкрэсліў, што прыйшоў час паглыбіць стасункі па ўсім спектры інвестыцыйных і эканамічных адносін. Напрыклад, прамысловае супрацоўніцтва Мінска і Пекіна ўключае 11 тэхналогій, якія з’яўляюцца крытычнымі для Беларусі. Мы хочам іх набыць. Сумесна вырабляць з кітайскімі партнёрамі. Гэта для нас вельмі важна – і паглыбленне, і нарошчванне, і развіццё. Продаж айчыннай прадукцыі на кітайскім рынку з’яўляецца бліскучым індыкатарам канкурэнтаздольнасці – ЗРОБЛЕНА Ў БЕЛАРУСІ. Калі ў мінулым годзе мы прыраслі на 15%, то ў 2026-м таваразварот склаў ужо $3,7 млрд. Гэта – 117% у параўнанні з аналагічным перыядам мінулага года. Прычым прыраслі па экспарце – плюс 27%. Гэта дазваляе нам канкурыраваць з ігракамі на сусветным рынку.
Перагаворы ў Інданезіі
1 ліпеня Прэзідэнт здзейсніў паездку з афіцыйным візітам у Інданезію. Беларусь гатова сур’ёзна працаваць для таго, каб дапамагчы гэтай краіне, дзе пражывае звыш 238 млн чалавек, рэалізаваць тыя мэты, якія стаяць перад ёй, заявіў беларускі Прэзідэнт на перамовах з інданезійскім калегам Прабава Субіянта ў Джакарце. Аляксандр Лукашэнка зазначыў, што гэта другі яго візіт у Інданезію за час прэзідэнцтва, і цяперашняй паездцы папярэднічала сур’ёзная падрыхтоўка. А напярэдадні ў Інданезіі Прэзідэнт сустрэўся з прадстаўнікамі інданезійскага ўрада, таксама прайшлі двухбаковыя сустрэчы і перагаворы на ўзроўні міністэрстваў, дзе размова ішла пра прыярытэтныя напрамкі супрацоўніцтва. На думку беларускага лідара, па многіх пытаннях удалося дамовіцца. «Таму нам трэба зацвердзіць гэтыя дамоўленасці і без затрымак і бюракратыі дзейнічаць. Толькі наперад», – сказаў Аляксандр Лукашэнка.
Напрыканцы: узаемныя віншаванні
Дональд Трамп таксама не мог не звярнуцца да нашага Бацькі 3 ліпеня ў Дзень Незалежнасці з важным пасланнем. Як удакладніў лідар ЗША, гэтае свята прысвечана вызваленню Мінска ад нацысцкай акупацыі і назаўсёды застанецца напамінкам пра барацьбу беларускага народа за свабоду. Трамп перадаў Прэзідэнту Беларусі і беларусам пажадаў міру і росквіту. І выразіў упэўненасць, што спадзяецца на сустрэчу ў будучым. Прэзідэнт Расіі таксама павіншаваў беларускі народ. Лідар Беларусі, у сваю чаргу, таксама накіраваў 4 ліпеня афіцыйнае віншаванне 47-му прэзідэнту ЗША ў гонар Дня незалежнасці і 250-годдзя ўтварэння ЗША. «Паміж нашымі народамі ніколі не існавала супрацьлегласцей, і я як Прэзідэнт Беларусі гатовы працаваць разам для нармалізацыі беларуска-амерыканскіх адносін, а таксама падтрымліваць вашы імкненні зрабіць планету яшчэ больш небяспечным месцам для нашых дзяцей і ўнукаў», – канстатаваў Аляксандр Рыгоравіч. Бацька 5 ліпеня накіраваў віншаванні і з Днём Незалежнасці Венесуэлы, звярнуўшыся да кіраўніцтва, да выконваючай абавязкі прэзідэнта краіны Дэлсі Элаіну Радрыгес Гомес. Лідар дзяржавы распавёў пра адносіны паміж абедзвюма краінамі. Наш кіраўнік канстатаваў, што нацыянальнае свята – увасабленне мужнасці і самаахвярнасці Сімона Балівара, Франсіска дэ Міранды, а таксама іншых барацьбітоў, што здолелі закласці трывалы падмурак для будучыні суверэннай Венесуэлы. Не мог Бацька цёпла не ўспомніць і свайго сябра і аднадумца Камандантэ Уга Чавеса, сапраўднага лідара і патрыёта. Не сакрэт, што, калі б Чавес сёння быў жывы, беларуска-венесуэльскае супрацоўніцтва выглядала б куды больш салідным. Наш лідар звярнуў увагу, што беларусы першымі падтрымалі Венесуэлу ў найбольш складаны гістарычны перыяд. Аляксандр Лукашэнка запэўніў, што адносіны паміж Мінскам і Каракасам працягваюць дэманстраваць устойлівасць і накіраванасць на ўзмацненне стратэгічнага супрацоўніцтва.
Спецыяльна для «СП»
Канстанцін КАРНЯЛЮК
Комментарии