Развіццё вёскі
У вёсцы Сунаі адкрыўся магазін. Цяпер жыхары населенага пункта могуць набываць тавары першай неабходнасці без выезду ў райцэнтр.
У в. Праснакі знесены пустуючы дом. Работы праведзены ў адпаведнасці з Указам № 116, накіраваным на навядзенне парадку ў сельскай мясцовасці і ліквідацыю старога жыллёвага фонду.
Сацыяльная рэабілітацыя і вольны час
Пастаяльцы Грозаўскага сацыяльнага пансіяната «Ліпавы рай» пабывалі на экскурсіі ў Капылі, дзе пазнаёміліся са знамянальнымі месцамі горада. Затым наведалі раённы цэнтр культуры, у якім паглядзелі цыркавое прадстаўленне. Напрыканцы ўдзельнікі паездкі ў гандлёвых аб’ектах мелі магчымасць набыць усё неабходнае.
Гадзіна здароўя
На базе Грозаўскай сельскай бібліятэкі пад кіраўніцтвам Таццяны Неранені прайшоў відэа-экскурс пад назвай «Войной испепеленные года». Таксама для выхаванцаў мясцовага дзіцячага сада была арганізавана гадзіна здароўя «У гасцях у Вітамінкі» (на здымку).
Комментарии