Падымаюць дэмаграфію
У аграгарадку Быстрыца зарэгістравана нараджэнне двух хлопчыкаў. Шчаслівыя бацькі атрымалі пасведчанні ў мясцовым сельвыканкаме. Віншуем сем’і з папаўненнем і жадаем дзецям моцнага здароўя.
Добраўпарадкаванне ў самым разгары
На тэрыторыі сельсавета актыўна працягваюцца работы ў рамках месячніка па навядзенні парадку на зямлі. Праведзена маштабная работа па азеляненні (на здымку). Значную ўвагу надалі ўборцы памятных месцаў і ліквідацыі сметнікаў у аг. Быстрыца.
Святочныя матывы
У Быстрыцкім дзіцячым садзе прайшла тэматычная выстава, прымеркаваная да свята Вялікадня. Бацькі разам з дзецьмі праявілі фантазію і творчыя здольнасці, прадставіўшы арыгінальныя вырабы і святочныя кампазіцыі.
Рамонт дарог
Выканана грэйдзіраванне дарог з падсыпкай новага дарожнага матэрыялу у вёсках Вострава, Лешня і Кіявічы. Праезд ў гэтых населеных пунктах стаў значна больш бяспечным і камфортным.
Прывядзенне могілак у парадак
Сіламі гаспадарак ААТ «Капыльскае» і «Ціміразеўскі» арганізаваны вываз смецця і падвоз пяску на грамадзянскія могілкі сельсавета. Наведзены санітарны парадак, дарожкі пасыпаны пяском.
Комментарии