Як адзначыла старшыня Бучацінскага сельвыканкама Святлана Сташаніна, члены камісіі па садзейнічанні занятасці насельніцтва пры Капыльскім райвыканкаме рэкамендавалі некаторым грамадзянам працаўладкавацца ў ЗАТ «ЖЫЛІХАВА» або ААТ «Ціміразеўскі». Таксама нагадалі вяскоўцам, якія дакументы трэба мець, каб не стаць «тунеядцем».
Нарадзіліся новыя жыхары
Двое маленькіх жыхароў з’явіліся на свет у Жыліхаве. Хлопчык нарадзіўся ў шматдедзетнай сям’і, дзяўчынка стала другім дзіцем.
Дзеці малююць прыроду
У фае Жыліхаўскага сельскага дома культуры размешчана выстава экалагічнага дзіцячага малюнка «Мой родны дом, мая старонка».
На выставе прадстаўлены работы ўдзельнікаў дзіцячага экалагічнага клуба «Вясёлка», якія ўпэўнены: вельмі важна навучыцца з самага ранняга ўзросту беражліва ставіцца да прыроды. Побач з выставай малюнкаў аформлены стэнд, дзе размешчана інфармацыя пра тое, як правільна паводзіць сябе ў навакольным асяроддзі.
Вясна – пара абнаўлення
Жыхары вёсак наводзяць парадак на вуліцах населеных пунктаў. Акрамя гэтага знесены чатыры дамы: па два ў Бучаціне і Смалічах.
Таксама прыбралі грамадзянскія могілкі ў Бучаціне. Сіламі жыхароў вёскі пафарбавалі агароджу, вароты і брамку.
Комментарии