Інвентарызацыя земляў
Ва ўсіх населеных пунктах сельсавета прадстаўнікамі агранамічнай службы ААТ «Прагрэс 2010» і сельвыканкама праведзена інвентарызацыя земляў, якія неэфектыўна выкарыстоўваюцца. Па яе выніках вызначаны плошчы, якія будуць уключаны ў севазварот. У вясенне-летні перыяд сельгаспрадпрыемствам дадаткова будуць апрацоўвацца 8,4 га.
Печы пад наглядам
Работнікамі сельвыканкама сумесна з прадстаўнікамі суб’ектаў прафілактыкі праведзена абследаванне домаўладанняў вяскоўцаў па захаванні правіл пажарнай бяспекі ў аг. Пацейкі і в. Кацельнікі. Камісія на працягу лютага наведала 24 сядзібы. Былі выдадзены два прадпісанні наконт няспраўнасці пячнога ацяплення. На дадзены момант усе недахопы ліквідаваны.
Вызваляюць ад снегу
Тэхніка мясцовага сельгаспрадпрыемства і раённай дарожнай службы актыўна вызваляла ад снегу дарогі і вуліцы на тэрыторыі сельсавета. Выконваліся не толькі планавыя работы, але і заяўкі насельніцтва.
З падвор’яў насельніцтва
З уласных падвор’яў насельніцтва з пачатку месяца закуплена 765 кг малака (у мінулым годзе было 756 кг), у тым ліку за дзень 90 кг (летась – 67 кг).
Комментарии