Дыялог з дэлегатам
У сацыяльным пансіянаце «Ліпавы рай» адбылася сустрэча калектыву з дэлегатам VII Усебеларускага народнага сходу, намеснікам дырэктара ААТ «Праснакі» Ігарам Маркевічам (на здымку). У ходзе адкрытага дыялогу былі абмеркаваны пытанні сацыяльнай падтрымкі, добраўпарадкавання і перспектывы развіцця сельскай тэрыторыі.
Накіраванасць на прадухіленне
Адбылося чарговае пасяджэнне грамадскага пункта аховы правапарадку па пытаннях прафілактыкі правапарушэнняў. Разгле-джаны сітуацыі, звязаныя з асобамі, схільнымі да злоўжывання спіртнымі напіткамі, якія не ўдзяляюць належнай увагі выхаванню дзяцей, а таксама ствараюць канфліктныя сітуацыі ў сямейным жыцці.
Вясёлы вольны час
Бібліятэкар Камсамольскай сельскай бібліятэкі-клуба арганізавала для вучняў мясцовай сярэдняй школы актыўны і вясёлы вольны час. Мерапрыемства пад назвай «Мы зарадку рабілі, скакалі і бегалі» было напоўнена рухомымі гульнямі, конкурсамі і гумарам.
Акцыя дабрыні
Дабрачынная акцыя «Ад усёй душы» зазірнула і ў дом сумеснага самастойнага пражывання «Дом надзеі» ў аг. Грозава. Тут бібліятэкар Грозаўскай сельскай бібліятэкі разам з вучнямі Грозаўскай СШ паразмаўлялі з пражываючымі, падарылі ім невялікія сувеніры, зробленыя сваімі рукамі, стварыўшы атмасферу цяпла і радасці.
Свята для душы і сэрца
У рамках акцыі «Ад усёй душы» сацыяльны пансіянат «Ліпавы рай» прымаў гасцей. З канцэртнай праграмай, вершамі і падарункамі да жыхароў прыехалі прыхаджане царквы «Выратаванне» г. Слуцка, а таксама валанцёры дзіцячага сада аг. Заполле Слуцкага раёна і дашкольнага цэнтра развіцця дзіцяці «Залаты ключык» г. Слуцка.
Комментарии