Гудуць трактары
Галоўны від работ, на які накіраваны намаганні сельгасвытворцаў, – гэта ўзняцце зябліва. Пра важнасць аграпрыёму гаварыць не даводзіцца, паколькі гэта адзін з найважнейшых элементаў тэхналогіі ў раслінаводстве. Усяго ў раёне запланавана заараць на зіму 26 698 га, выканана заданне на 32%.
Паводле інфармацыі ўпраўлення райсельгасхарчу, па стане на 11 лістапада на палетках Капыльшчыны працаваў 31 трактар. Найбольш прадукцыйна дзейнічалі ў ААТ «Капыльскае», дзе заарана 1440 га (планавае заданне ўжо выканана на 58%), крыху адстаюць ад іх аграрыі ф-ла «В. Раёўка» (56%) і ф-ла «Лакнэя» (54%). Пакуль толькі 298 га (17% ад неабходнага) занеслі на свой рахунак у СГФ «Руднае», 238 га (18%) – у КСУП «Доктаравічы».
Салодкія гісторыі
У гаспадарках раёна завершана ўборка цукровых буракоў. Накапана 249 467 тон у фізічнай вазе пры сярэдняй ураджайнасці па раёне 376 ц/га. Самай урадлівай паказала сябе гэта культура ў ААТ «Семежава» – 500 ц/га. Атрымалі па 429 цэнтнераў на круг у СГФ «Руднае», па 412 ц – у ААТ «Праснакі».
Цукрыстасць караняплодаў у сярэднім па раёне 16,19%, самы высокі гэты паказчык якасці культуры ў ААТ «Капыльскае» – 16,60%.
Працягваецца вывазка буракоў – на названую дату на пункт прыёмкі дастаўлена 171 487 тон, з іх 146 790 тон пайшлі ў залік.
«Царыцу палёў» адправілі ў засекі
Завершана ўборка кукурузы на зерне і зялёны корм. Пра гэта інфармуе ўпраўленне па сельскай гаспадарцы і харчаванні. Намалочана 47 347 тон зерня, з якіх 5380 тон сплю-шчана. Найбольш – 6185 тон – на рахунку УП «ПІК-Лясное», 6089 тон кукурузы намалацілі ў ААТ «Ціміразеўскі».
Назапашана 273 904 кукурузнага сіласу, зялёная маса для якога была ўбрана з 15 216 га.
У жывёлаводаў перапынкаў не бывае
Гаспадаркамі Капыльшчыны за апошні дзень (інфармацыя на 11 лістапада 2024 года) надоена 469,3 тоны малака, і гэта 103,3% да адпаведнага ўзроўню мінулага года.
Ад адной каровы атрымалі па 18,9 кг. Вышэй за іншых ва ўмоўнай рэйтынгавай табліцы знаходзяцца жывёлаводы ААТ «Капыльскае» з надоем 25,9 кг, больш за 20 кг ад каровы на рахунку ф-ла «Лакнэя» (23,8 кг), ААТ «Семежава» (21,0 кг), УП «ПІК-Лясное» (20,9 кг), ААТ «Праснакі» (20,1 кг). Самы нізкі рэзультат – 10,8 кг – паказваюць жывёлаводы ААТ «Скабін».
Таварнасць малака ў сярэднім па раёне складае 90,3%. Большасць гаспадарак перавышаюць адметку ў 90%, за выключэннем ААТ «Скабін», ААТ «Старыца-Агра», ААТ «Прагрэс 2010» і ЗАТ «Жыліхава».
Паводле інфармацыі ўпраўлення
па сельскай гаспадарцы і харчаванні Капыльскага райвыканкама
Комментарии