Па месцах баявой славы
У рамках святкавання 80-й гадавіны вызвалення Рэспублікі Беларусь ад нямецка-фашысцкіх захопнікаў навучэнцы і педагогі Старыцкай СШ (на здымку) здзейснілі велапрабег па месцах баявой славы па маршруце «аг. Старыца – в. Свідзічы». Як адзначылі ўдзельнікі, велапрабег – гэта шлях памяці і павагі да гераічнага мінулага сваёй краіны, пацвярджэнне таго, што памяць аб подзвігу продкаў жыве ў сэрцах сучаснага пакалення. Галоўным вынікам мерапрыемства стала аб’яднанне патрыятычна настроеных дзяцей, падтрымка здаровага ладу жыцця і зарад добрага настрою ва ўсіх удзельнікаў прабегу.
Хвіліна маўчання
Святочныя мерапрыемствы, прысвечаныя Дню Незалежнасці Рэспублікі Беларусь, на тэрыторыі сельсавета пачаліся з мітынгаў. Старшыня сельвыканкама Нэла Гусева, прадстаўнікі грамадскасці, школьнікі ўшанавалі памяць герояў хвілінай маўчання і ўсклалі жывыя кветкі да помнікаў землякам у аг. Старыца і в. Сл.-Кучынка, а таксама да брацкай магілы на могілках Сл.-Кучынкі.
Наводзіцца парадак
Працягваецца работа па навядзенні парадку на зямлі: выкарчоўваюць сухія дрэвы, прыбіраюць драўляную расліннасць, параснік і смецце на могілках у в. Сл.-Кучынка.
Вуліцы ў вёсках Андросаўшчына, Русакі і Калінаўка-1, аг. Старыца прафіліраваны з дабаўленнем новага матэрыялу (гравію), а ў в. Сл.-Кучынка заасфальтавана вул. Кастрычніцкая.
Згодна з Указам Прэзідэнта Рэспублікі Беларусь № 116 добраўпарадкаваны тэрыторыі чатырох пустуючых домаўладанняў у пас. Андросаўшчына (на здымку), вёсках Андросаўшчына і Сл.-Кучынка.
Комментарии