Якія падзеі адбыліся 16 студзеня і чым азнаменаваны гэты дзень у народным календары.
Гістарычныя падзеі 16 студзеня
У 1921 годзе быў падпісаны саюзны дагавор паміж БССР і РСФСР.
У 1963 годзе Мікіта Хрушчоў абвясціў аб тым, што СССР мае вадародную бомбу.
Хто нарадзіўся 16 студзеня
1919 год: Уладзімір Алоўнікаў, беларускі кампазітар.
1940 год: Іван Лагвіновіч, беларускі паэт.
Таксама сёння нарадзіліся савецкі акцёр Васіль Ланавы і амерыканская актрыса Этэль Мерман.
16 студзеня ў народным календары
Сёння праваслаўныя вернікі шануюць памяць святога пакутніка Гордзія.
У гэты дзень у вёсках пільнавалі хлеў ад ведзьмаў, якія, па павер'і, маглі скрасці ў кароў малако і нават замарыць жывёлу да смерці. У гэтым гаспадарам дапамагаў дамавік або хлеўнік. Для яго пакідалі ў хляве нешта смачнае.
Калі сёння воблачна, хутка будзе завіруха. Шэрань на дрэвах прадракае яснае і сухое надвор'е.
Комментарии