Прадавец 5-га разраду магазіна «Журавушка» Кацярына Мялешка стала першай сярод прадаўцоў харчовых тавараў па выніках 29-га абласнога конкурсу «Лепшы па прафесіі». Спаборніцтва было арганізавана аблспажыўсаюзам сярод прадаўцоў харчовых і нехарчовых тавараў і праходзіла ў г. Старыя Дарогі.
Акрамя таго, каманда капылянак стала лепшай і па выніках конкурсу прывітанняў. Усяго ж у спаборніцтвах за званне лепшага прадаўца змагаліся адразу 40 удзельнікаў з розных раёнаў вобласці. Аднак напярэдадні выступлення здарылася нечаканасць: захварэла адна з удзельніц. Як сказаў першы намеснік старшыні райспажыўтаварыства Аляксандр Танко, давялося тэрмінова шукаць замену. Менавіта Кацярына Мялешка і замяніла сваю захварэўшую калегу.
[caption id="attachment_41784" align="aligncenter" width="580"]
Кацярына Мялешка абслугоўвае пакупніка[/caption]
Навіна аб высокіх выніках капыльскіх прадаўцоў дала добрую нагоду для таго, каб наведаць магазін, убачыць пераможцу ў рабочай абстаноўцы і даведацца пра яе ўражанні ад конкурсу.
На прылаўках магазіна «Журавушка» прыцягваюць увагу пакупнікоў разнастайныя тавары, большасць з якіх выраблены беларускімі вытворцамі. Ля касы — пакупнікі. У кожнага свае патрэбы і магчымасці.
— Гэта крэкеры? — удакладняе мужчына, паказваючы пачак пячэння.
— Так, але гэта несалодкія крэкеры, — удакладняе Кацярына Антонаўна. — А Вам якія патрэбны? Салодкія? То зараз я хуценька замяню.
І так — з разуменнем, увагай і усмешкай — да кожнага пакупніка, бо галоўнае, каб чалавек застаўся задаволены.
— Толькі месяц, як Кацярына Антонаўна прыйшла да нас са Старыцы, — уключаецца ў размову загадчык магазіна Марына Прахарэня, — але мы вельмі задаволены яе работай.
— Разам са мною ў конкурсе прымала ўдзел і прадавец з магазіна «Родны кут» Юлія Церах, — працягвае расказ Кацярына Мялешка. — На першым этапе — у конкурсе прывітанняў — нам удалося ўразіць журы і іншых канкурсантаў выканальніцкімі і артыстычнымі здольнасцямі. Прыпеўкі і невялікую сцэнку з жыцця прадаўцоў мы рэпеціравалі тры дні. Дапамагла падрыхтаваць цікавы сцэнарый загадчык аддзела культурна-масавай і метадычнай работы РЦК Любоў Галубовіч.
А далей, каб стаць пераможцай, Кацярыне Мялешка прыйшлося паказваць як тэарэтычныя веды, так і практычныя ўменні ўжо самастойна. Так, на другім этапе каманды дэманстравалі веды правілаў гандлю, тэрміналогіі, Закона «Аб абароне правоў спажыўцоў». Прадаўцы цягнулі білеты і вырашалі практычныя задачы. Затым на трэцім этапе трэба было зрабіць сучасную выкладку тавараў. Пры гэтым журы ўлічвала таварна-дэкаратыўную экспазіцыю ў вітрыне або секцыі, упаковачны матэрыял, знешні выгляд і форменную вопратку ўдзельнікаў. І тут у Кацярыны Мялешка былі свае сакрэты: акцэнт — менавіта на беларускія тавары, значную ўвагу — правільнай фасоўцы садавіны і гародніны, уменне дапамагчы пакупніку выбраць якасны і смачны тавар па прывабным для яго кошце.
— Лічу, што перамагчы ў конкурсе мне дапамагло тое, што зараз я вучуся ў Мінскім гандлёвым каледжы Белкаапсаюза, — адзначае Кацярына Мялешка. — Ды наогул, такія спаборніцтвы садзейнічаюць павышэнню прафесійнай кваліфікацыі. А гэта значыць, што будзе больш задаволеных пакупнікоў.
Дзіяна ТКАЧЭНКА
Фота Паўла ШЭІНА
В целях повышения эффективности работы органов внутренних дел по профилактике пьянства, в том числе в молодежной среде, принятия дополнительных мер по противодействию нарушениям антиалкогольного законодательства в УВД Миноблисполкома организована работа телефонной линии «Пьянству - нет!». Свои замечания и предложения вы можете высказать по телефонам (8-017) 207-67-02, 229-05-90.
Аналогичная прямая линия работает и в Копыльском РОВД. Обращайтесь по номерам: 55-5-28, 55-5-53, 55-1-47. 
В настоящее время Минской областной комиссией по контролю за ходом подготовки и проведения вступительных испытаний в средних специальных учреждениях образования продолжается контроль за процессом приема документов, проведения вступительных испытаний и зачислением абитуриентов.
Непосредственно в 23 ссузах области работают комиссии по контролю учреждений образования. В состав комиссий входят сотрудники Комитета, представители правоохранительных и других органов государственного управления, учреждений образования. В ходе осуществления контроля за ходом подготовки и проведения вступительных испытаний осуществляется рассмотрение обращений граждан по вопросам проведения вступительной кампании текущего года.
Со стороны комиссий будут предприняты все необходимые усилия, чтобы в каждом учебном заведении были созданы справедливые, объективные и равные условия для абитуриентов, а процедура зачисления прошла демократично и гласно.
В Комитете государственного контроля Минской области продолжает работать горячая линия (тел. (8-017) 284-09-06, 284-03-42, с 9.00 до 18.00 в рабочие дни), позвонив на которую все желающие могут высказать свои замечания и предложения по вопросам подготовки и проведения вступительных испытаний.
Управление контроля бюджетно-финансовой сферы и государственных органов КГК Минской области 
Беларусь і Пакістан распрацуюць дарожную карту развіцця адносін. Такое рашэнне прынялі 10 жніўня Прэзідэнт Беларусі Аляксандр Лукашэнка і прэм’ер-міністр Пакістана Наваз Шарыф па выніках перагавораў у Мінску.
Аляксандр Лукашэнка лічыць, што беларуска-пакістанскія эканамічныя адносіны трэба развіваць больш дынамічна, не абмяжоўвацца толькі гандлем, а нарошчваць патэнцыял вытворчай кааперацыі і інвестыцый.
«Мы добра ведаем, што ў Пакістане Беларусь асацыіруецца перш за ўсё з аднайменным трактарам, гэтай машынай, у якой мае патрэбу Пакістан, а потым ужо — з краінай. На працягу многіх гадоў нам добра вядомы пакістанскі рыс, тэкстыль, іншыя тавары», — сказаў беларускі лідар.
Кіраўнік дзяржавы выказаў упэўненасць, што бакі павінны наблізіцца да дасягнення дамоўленасцей, якія ў бліжэйшай перспектыве дадуць магчымасць зрабіць істотны рывок па такіх напрамках, як прамысловасць, фармакалогія, лагістыка, сельская гаспадарка і іншыя. 
13 камбайнаў з сельгаспрадпрыемстваў Капыльшчыны накіраваліся ў мінулы панядзелак на дапамогу аграрыям Крупскага раёна. Як паведаміў начальнік інспекцыі Дзяржтэхнагляду Валерый Прахарэня, камбайны ішлі сваім ходам і ўжо ў аўторак экіпажы прыступілі да работы. 
