На свята завіталі знакамітыя выпускнікі, ветэраны педагагічнай працы, аднавяскоўцы, госці са сталіцы. У школьным музеі, які адзначае 35-годдзе, для наведвальнікаў прагучала мелодыя «Журавлиная песня» ў выкананні настаўніцы рускай мовы Марыны Коршук. Шматлікія выставы падрыхтавала загадчык Слабадакучынскай бібліятэкі-клуба Валянціна Барташэвіч. Права адкрыць новыя стэнды музея «Знакамітыя выпускнікі» і «Нашы настаўнікі» было прадстаўлена ветэрану прафсаюзнага руху краіны Ганне Трацэўскай і заслужанаму настаўніку Рэспублікі Беларусь Надзеі Караленка — выпускнікам школы мінулых гадоў. Затым старшыня раённага савета ГА «Беларускі саюз афіцэраў” старшы прапаршчык запасу Аляксандр Пякарскі і пераможца абласных і рэспубліканскіх спаборніцтваў па біятлоне Кірыл Кандыбовіч перарэзалі чырвоную стужку перад экспазіцыяй «На службе Айчыне». Першыя экскурсіі правялі на беларускай, рускай і англійскай мовах члены клуба «Патрыёты Радзімы» Лізавета Бурдзейка, Вольга Францкевіч і Валянціна Казырыцкая.
— Нашы выпускнікі ўнеслі значны ўклад у развіццё народнай гаспадаркі краіны, — адзначыла Надзея Караленка. — Гэта і дзяржаўныя дзеячы, педагогі, урачы, вайскоўцы, спартсмены, і простыя працаўнікі вёскі. І, усе мы абавязаны настаўніку за тое, чаго дасягнулі ў жыцці.
Ганна Трацэўская выказала шчырыя і вельмі пранікнёныя словы падзякі калектыву школы за захаванне памяці, якая патрэбна будучым пакаленням.
— Я жадаю маёй роднай школе быць паспяховай, актыўна развівацца, упэўнена глядзець у заўтрашні дзень. А для гэтага ёсць і выдатнае мінулае, якое будзе захоўвацца ў школьным музеі і з’яўляцца здабыткам кожнага вучня і настаўніка, прадметам гонару і захаплення.
Далей прайшоў канцэрт з удзелам заслужанай артысткі Рэспублікі Беларусь Надзеі Мікуліч і музыканта і спевака Юрыя Вольпава. Авацыі не змаўкалі ні на хвіліну. Неабходна адзначыць, што песню «Малиновки заслыша голосок» падпявала ўся аўдыторыя. Усім прысутным калектыў газеты «Друг пенсионера» начале з галоўным рэдактарам Анатолем Гармазой прэзентаваў друкаваную прадукцыю.
Ганна Трацэўская была адзначана граматай і кнігай ад ГА «БСА» за актыўны ўдзел у рэспублікай акцыі «Беларусь памятае». Арганізатары і ўдзельнікі канцэрта з рук дырэктара школы Валянціны Кандыбовіч атрымалі кветкі і святочныя сувеніры, зробленыя рукамі вучняў і настаўнікаў.
Барыс ДЗЕНІСЮК,
член ГА «Беларускі саюз журналістаў»
Такой большой рисунок стал красоваться на административном здании пожарной службы благодаря студии художественной росписи стен lineup.by.
Надо отметить, что проект уличных художников направлен на популяризацию профессии спасателей-пожарных, а также в такой красивой форме еще раз помогает запомнить номер службы спасения 101.
Павел ШЕИН 
