Мінулы чацвер быў знакавым на падзеі для жыхароў Пацейкаўскага сельсавета. Паколькі на вёсцы зараз гарачая пара пасяўной, старшыня Капыльскага райвыканкама Сяргей Пілішчык падчас візіту ў гэтыя мясціны палічыў абавязковым наведаць палеткі.
З ходам вясенне-палявых работ у ААТ «Прагрэс 2010» азнаёмілі дырэктар сельгаспрадпрыемства Валерый Тароцька і галоўны аграном Мікалай Краўчанка. У гаспадарцы ўжо пасеялі авёс, ідзе сяўба ячменю і зернебабовых. Усяго ж яравыя збожжавыя і зернебабовыя зоймуць 2871 га і 690 га адпаведна. Кіраўнік раёна паглядзеў, як вядзецца падкормка азімага рапсу на палетку каля Крывога Сяла. Заканчвалася ўжо і першая падкормка азімых збожжавых, праз некалькі дзён пачнецца другая. Увогуле Сяргей Міхайлавіч даў станоўчую ацэнку ходу палявых работ у сельгаспрадпрыемстве.
[caption id="attachment_100235" align="aligncenter" width="840"]
■ Сяргей Пілішчык, Валерый Тароцька і Мікалай Краўчанка абмяркоўваюць ход пасяўной[/caption]
У гэты ж дзень у цёплай добразычлівай атмасферы прайшла сустрэча Сяргея Пілішчыка з жыхарамі аграгарадка Пацейкі.
Як дэлегат VI Усебеларускага народнага сходу Сяргей Міхайлавіч узгадаў асноўныя палажэнні, на якія звярталася ўвага на форуме. Была закранута тэма сацыяльна-эканамічнага развіцця раёна, мясцовага сельгаспрадпрыемства — ААТ «Прагрэс 2010», падрыхтоўкі да Дня беларускага пісьменства і абласных «Дажынак». Гаварылі і пра дэмаграфічную праблему, пра захворванне на каронавірусную інфекцыю.
Не абышлося і без дыялога. Сустрэчы кіраўніка раёна ў Пацейках праходзяць не ўпершыню, таму многія пытанні яму ўжо знаёмыя і яны знаходзяцца на кантролі. Аднак ёсць і новыя. Напрыклад, жыхары в. Кацельнікі выказалі прапанову «прапісаць» іх населены пункт па медыцынскім абслугоўванні да Капыльскай ЦРБ, якая знаходзіцца за некалькі кіламетраў, а не дабірацца да Бабаўнянскай амбулаторыі. Сяргей Пілішчык паабяцаў вывучыць гэта пытанне.
Адзін з удзельнікаў дыялога сутыкнуўся з праблемай: у Капылі, па яго словах, нельга набыць пяску для будаўніцтва. Пытанне вырашылася ў хуткім часе. Продажам пяску займаецца філіял ДРБУ №124.
Меркаваннямі ад сустрэчы падзяліліся яе ўдзельнікі
Старшыня мясцовай ветэранскай арганізацыі Раіса Лянько:
— Сустрэча вельмі карысная. Ад першай асобы раёна мы даведаліся пра жыццё на Капыльшчыне. Усё расказана ясна і зразумела. Я звярнулася са сваім пытаннем да Сяргея Міхайлавіча наконт электраацяплення дома. На жаль, вырашыць яго пакуль нельга з-за тэхнічных магчымасцей, вялікая электранагрузка. Магчыма гэта толькі пасля рэканструкцыі электрасістэмы населенага пункта.
Педагог Пацейкаўскай СШ:
— Па-першае, хацелася б падзякаваць кіраўніцтву раёна, што яны стрымліваюць слова. Гэта наконт станцыі абезжалезвання вады. Абяцалі — і пабудавалі. Спадзяёмся, што гэтак жа будзе даведзена да ладу і каналізацыйна-помпавая станцыя. Сустрэча спадабалася за простую гутарку, паважлівыя адносіны.
Сяргей КОЗЕЛ
15 апреля с 10.00 до 12.00 прямую линию проведет Ирина Николаевна ПОБОКО, начальник отдела экономики райисполкома.
Телефон 51-5-49. 
15 апреля в административном здании Грозовского сельисполкома в кабинете председателя с 10.00 до 11.00 проведет прием граждан и прямую линию по телефону 21-2-74 управляющий делами Копыльского райисполкома Елена Станиславовна МИХАЙЛОВСКАЯ.
Предварительная запись на прием будет осуществляться по телефону 51-6-50. 
17 апреля с 9.00 до 12.00 прямую телефонную линию проведет Александр Анатольевич ДУБИНА, заместитель председателя Копыльского райисполкома.
Телефон 55-5-66. 
17 апреля с 9.00 до 12.00 прямую телефонную линию проведет Александр Владимирович КРУЧАНОВ, заместитель председателя Миноблисполкома.
Телефон (8-017) 500-41-60. 
