Дапамагчы, а не пакараць
У цэнтры ўвагі чарговага пасяджэння савета ГПАП апынуліся тыя, каму ў сілу розных абставін патрабуецца асаблівы кантроль. Удзельнікі сустрэчы разгледзелі пытанні працаўладкавання, прафілактыкі п’янства, а таксама захавання правіл пажарнай бяспекі ў домаўладаннях грамадзян, якія вядуць асацыяльны лад жыцця. Асаблівая ўвага нададзена таксама сем’ям, дзе дзеці знаходзяцца ў сацыяльна небяспечным становішчы. Па кожным выпадку прыняты канкрэтныя рашэнні. Галоўны акцэнт – не пакаранне, а прафілактыка. Бо дапамагчы чалавеку вярнуцца да нармальнага жыцця значна важней, чым канстатаваць праблему.
Змянілася аблічча
У адміністрацыйным будынку Цімкавіцкага сельвыканкама поўным ходам ідзе рамонт. У фае работы ўжо завяршыліся. Мяняецца знешні выгляд і звонку: устаноўлены новыя вокны і дзверы, абнаўляецца фасад з тыльнага боку.
Добрыя традыцыі працягваюцца
У філіяле «Вялікая Раёўка» адбылася знакавая падзея – выбары старшыні ветэранскай арганізацыі. Больш за два дзесяцігоддзі гэтую адказную місію выконвала Ганна Лупанос. Чалавек неабыякавы, які хвалюецца за кожнага, яна была душой ветэранскага руху. Словы шчырай падзякі ў яе адрас прагучалі ад кіраўніка сельгаспрадпрыемства Аляксандра Рубіса, старшыні Цімкавіцкага сельвыканкама Наталіі Прохаравай і калег, з якімі працавала доўгія гады.
Новай старшынёй аднагалосна абраная Алена Фалько. Яна таксама знаходзіцца на заслужаным адпачынку, але працуе ў філіяле і, без сумнення, прадоўжыць добрыя традыцыі, закладзеныя папярэдніцай. А значыць, старэйшае пакаленне «Вялікай Раеўкі» па-ранейшаму будзе акружана ўвагай і клопатам.
Зялёны фронт
У сельсавеце працягваецца планавае абкошванне населеных пунктаў. Работы вядуцца ў адпаведнасці з вылучаным фінансаваннем і зацверджанай чарговасцю. Клопат пра знешняе аблічча сельскіх тэрыторый застаецца ў ліку прыярытэтаў.
Комментарии