Беларусь супраць тытуню
У Капыльскім сацыяльным пансіянаце «Ачаг надзеі» прайшла рэспубліканская інфармацыйна-адукацыйная акцыя. Пражываючым расказалі пра рызыкі курэння і выкарыстання вырабаў, якія змяшчаюць нікацін. Таксама арганізаваны круглы стол з медыкамі пра пасіўнае курэнне, абноўлены інфармацыйныя стэнды і праведзены індывідуальныя кансультацыі для тых, хто жадае адмовіцца ад шкодных звычак.
Квэст-праграма
Каля Быстрыцкага сельскага Дома культуры адбылася квэст-праграма «Шлях да здаровага ладу жыцця!» (на здымку). Удзельнікі праходзілі тэматычныя станцыі, выконвалі спартыўныя і інтэлектуальныя заданні, а таксама замацавалі веды пра правільнае харчаванне і актыўны адпачынак.
«Абаронцы» не сумавалі
На базе Быстрыцкай СШ працаваў выхаваўча-аздараўленчы лагер «Абаронцы». Дзеці не сумавалі: яны ўдзельнічалі ў спартыўных эстафетах, ваенна-патрыятычных гульнях, конкурсах і творчых майстар-класах.
Знішчэнне баршчэўніку
Праведзена хімічная апрацоўка раслін баршчэўніку Сасноўскага на тэрыторыі сельсавета. Асаблівая ўвага нададзена ўчасткам каля жылых дамоў, дарог і грамадскіх месцаў. Акрамя гэтага, выкананы работы па скошванні травы на замацаваных тэрыторыях.
Комментарии