Аднаўленне работы СДК
Грозаўскі сельскі дом культуры аднавіў сваю дзейнасць пасля перапынку. Установа зноў адчыніла дзверы для наведвальнікаў. Ужо распрацоўваецца насычаная культурная праграма з майстар-класамі, канцэртамі і тэматычнымі вечарамі.
Незабыўная паездка
Пастаяльцы Грозаўскага сацыяльнага пансіяната «Ліпавы рай» наведалі дабрачынны канцэрт у Мінску. Пражываючыя з задавальненнем слухалі песні беларускіх выканаўцаў, атрымалі зарад пазітыўных эмоцый і пагутарылі з гасцямі з іншых пансіянатаў, падзяліліся з імі ўражаннямі.
Прафілактычная гутарка
Для падлеткаў у Грозаўскай сельскай бібліятэцы бібліятэкар Таццяна Нераненя арганізавала круглы стол на тэму «Ад безадказнасці да злачынства – адзін крок». Удзельнікі абмеркавалі наступствы неабдуманых учынкаў і атрымалі карысныя рэкамендацыі.
Антытытунёвая выстава
У Камсамольскай сельскай бібліятэцы-клубе дзейнічае тэматычная выстава «Калі хочаш доўга жыць, цыгарэту кінь паліць» (на здымку). Наведвальнікі могуць азнаёміцца з навуковымі фактамі пра ўплыў нікаціну на арганізм.
Новы стан дарог
У вёсцы Сунаі праведзены рамонт дарожнага пакрыцця. Дзякуючы своечасовым работам значна палепшана бяспека руху і камфорт мясцовых жыхароў, асабліва ў перыяд дажджоў.
Не – аварыйным дрэвам
Праведзены работы па ліквідацыі аварыйных дрэў у вёс-ках Праснакі і Труханавічы.
Комментарии