Адказнасць і ўзаемадапамога
На тэрыторыі сельсавета працягваюць праводзіць мерапрыемствы па бяспецы асобных катэгорый грамадзян. Так, паводле распараджэння Капыльскага райвыканкама асаблівую ўвагу звярнулі на людзей, якія пражываюць з асобамі асацыяльных паводзін.
Каб абараніць іх жыццё і здароўе, была праведзена бясплатная ўстаноўка сучасных аўтаномных пажарных апавяшчальнікаў (дзевяць прыбораў), якія ў выпадку задымлення пададуць сігнал, што дасць каштоўныя хвіліны для рэагавання і выратавання. Цікава, што да практычнай рэалізацыі гэтай важнай ініцыятывы далучыўся Капыльскі дзяржаўны каледж. І гэта не толькі дапамога, але і выдатны прыклад грамадзянскай адказнасці і сацыяльнай падтрымкі.
«Я жыву ў здаровым аграгарадку»
Конкурс малюнкаў пад такой назвай правялі ў Мажскай пачатковай школе. Школьнікі з задавальненнем прынялі ўдзел у творчым спаборніцтве, якое стала сапраўдным святам здаровага ладу жыцця і аб’яднала вучняў у іх імкненні паказаць сваё бачанне ідэальнага месца для жыцця.
Комментарии