Цікавыя забавы ў лагеры
Бібліятэкар Грозаўскай сельскай бібліятэкі Таццяна Нераненя арганізавала для дзяцей аздараўленчага лагера гульнёвую праграму «А ў нас сёння лета». Дзеці весела бавілі час, з задавальненнем прымалі ўдзел у конкурсах і віктарынах.
Фестывалілі ў Маладзечне
Работнікі Грозаўскага сельвыканкама наведалі XXIV Нацыянальны фестываль беларускай песні і паэзіі. Мерапрыемства пакінула яскравыя ўражанні і натхніла на новыя творчыя праекты.
Аграрыі на Кургане Славы
На мінулым тыдні прадстаўнікі філіяла «Лакнея» УП «Прыортранс Агра» і ААТ «Праснакі» прадставілі свае пляцоўкі на мемарыяльным комплексе «Курган Славы». Госці мерапрыемства змаглі пазнаёміцца з дасягненнямі сельскай гаспадаркі.
Тэатральны вечар у «Ліпавым раі»
Грозаўскі сацыяльны пансіянат «Ліпавы рай» наведалі артысты тэатра праваслаўнай моладзі Братэрства святога апостала Іаана Багаслова са спектаклем «Мара, пра што ты?». Яркая ігра акцёраў і прыгожыя дэкарацыі пакарылі гледачоў.
Спартыўная рызыка ў бібліятэцы
Бібліятэкар Камсамольскай сельскай бібліятэкі Сняжана Цішчанка правяла для хлопчыкаў і дзяўчынак спартыўную эстафету «Гульнёвы забег» (на здымку). Дзеці з задавальненнем спаборнічалі ў спрынце і хуткасці.
Комментарии