Увага - добраўпарадкаванню
Сіламі будаўнічай брыгады ААТ «Семежава» праведзена расчыстка пустуючых участкаў у п. Калініна і раскарчоўка саду ў в. Чырвоная Дубрава . Вельмі ўдзячны мясцовыя жыхары і за ўборку смецця ў аг. Семежава .
У сельвыканкаме ўдакладнілі, што работы па добраўпарадкаванні і навядзенні парадку будуць працягвацца.
Правілы бяспекі для дашкольнікаў
У рамках рэспубліканскай акцыі «Захавай сабе жыццё» і абласной прафілактычнай акцыі «Бяспечныя дарогі – бяспечная будучыня» ў дашкольных групах Семежаўскай сярэдняй школы прайшла гульня-гутарка «Я – пешаход», а таксама гульні «Перавязі пасажыраў» і «Азбука бяспекі на дарозе» (на здымку). Падчас мерапрыемства дашкольнікі замацавалі веды аб правілах бяспечных паводзін на вуліцах і дарогах.
Майстар-клас для выбаршчыкаў
На Семежаўскім участку для галасавання № 25 былі аформлены выставы па ткацтве і вышыўцы «Семежаўскія замалёўкі», а таксама фотавыстава «Раённы цэнтр ткацтва ў асобах». У дзень асноўнага галасавання майстры правялі майстар-класы па ткацтве пояса «на бердзечку», па кругавым ткацтве пояса і па вышыўцы крыжыкам.
Комментарии