Накіраваць у патрэбнае русла
Прайшло пасяджэнне савета ГПАП, удзел у якім прынялі начальнік Капыльскага РАУС Вячаслаў Навіцкі і начальнік Капыльскага РАНС Віталій Буняк. На сустрэчу былі запрошаны грамадзяне, якія вядуць асацыяльны лад жыцця, а таксама тыя, хто знаходзяцца на розных відах уліку.
Падзяка за чысціню
Сіламі Капыльскай ЖКГ праведзена добраўпарадкаванне грамадзянскіх могілак у вёсках Стары Капыль, Кель і Скаб ін. У прыватнасці, спілаваны дрэвы і высечаны параснік, за што вельмі ўдзячны жыхары гэтых населеных пунктаў. А ў в. Стары Капыль да таго ж прыбралі стыхійны сметнік. Цяпер справа за малым – памятаць, што чыста не там, дзе прыбіраюць, а там, дзе смецце не раскідаюць.
Двайное свята
Падчас выбараў Прэзідэнта Рэспублікі Беларусь на тэрыторыі сельсавета паспяхова функцыяніравалі тры ўчасткі для галасавання. Асаблівая ўвага ў перыяд кампаніі надавалася тым, хто галасаваў упершыню, а таксама выбаршчыкам-імяніннікам. Так, у асноўны дзень галасавання на Скабінскім участку для галасавання № 10 падарункі ў гонар свята прымалі чатыры выбаршчыкі, дзень нараджэння якіх прыйшоўся акурат на дату выбараў.
Комментарии