Менавіта за гэта і аддалі свае галасы на выбарах Прэзідэнта Рэспублікі Беларусь жыхары Капыльшчыны. Мяне як грамадзяніна самай міралюбівай у свеце краіны не можа не радаваць, што яўка выбаршчыкаў аказалася вельмі саліднай. Узрасла і палітычная культура жыхароў: у людей ужо не ўзнікала бессэнсоўнае пытанне – ісці на выбары ці не. Значыць, уся шматпрофільная праца, зробленая ў папярэднія дзесяцігоддзі, не прайшла міма, дзесьці збоку, значыць, сустрэчы з выбаршчыкамі ў калектывах, дыялогавыя пляцоўкі прынеслі карысць.
Мяне не можа не абураць, што Амерыка, Еўропа ўжо з самага пачатку аб’явілі нашы выбары недэмакратычнымі, падтасаванымі. Няхай бы яны разбіраліся са сваімі праблемамі, а не разбазарвалі бюджэт сваіх дзяржаў на вайну ва Украіне. І ці толькі на вайну? Выбары мы праводзілі для беларускага народа – і мы, народ, самі лепш ведаем, як нам жыць заўтра, як гадаваць нашых дзетак. Паверце: бацькоў № 1, № 2, аднаполых шлюбаў, парадаў геяў у нас дакладна не з’явіцца.
Выбары праводзіліся неабыякавымі людзьмі для неабыякавых да будучыні Беларусі. Ад Брэста да Віцебска, ад Гродна да Гомеля, ад Капыля да Мінска зноў і зноў магутна прагучала: «Мы разам! Час выбраў нас!» Марафон яшчэ перад выбарамі паказаў, што ўсе мы, беларусы, – адна вялікая сям’я, дзе кожны гатовы падтрымаць іншага. Прывабнай, гасціннай, светлай і аптымістычнай і робяць нашу сінявокую старонку людзі, Беларусы ды Беларусачкі. І таму краіна ў нас самая прыгожая ў свеце. А ў ХХІ стагоддзі стане яшчэ больш прыгожай – я ў гэтым проста перакананы.
«Чалавек – гэта цэлы свет». Гэты афарызм таксама належыць знакамітаму творцу зямлі капыльскай Кузьме Чорнаму. За свае жыццё мы сустракаем, чуем тысячы людзей, а значыць, так ці інакш уплываем на чужы свет. І таму кожны грамадзянін з’яўляецца як нечым прыватным, так і агульным, народным. Мы заўсёды павінны быць са сваім народам, а не здраджваць Радзіме, «як беглыя пацукі». Трэба не толькі ганарыцца за трыбунамі, што выйшаў з народа, але і заставацца з гэтым народам, асабліва ў складаныя, пераломныя моманты.
Так адбываецца і на выбарах: кожны павінен паклапаціцца не толькі пра сябе, але і пра свой народ, краіну, сваякоў, сяброў, абсалютна чужых людзей, тых, хто проста побач. Выбары Прэзідэнта і паказалі незвычайную згуртаванасць беларускага народа, яго адзінства. Нават правядзенне акцыі «Марафон адзінства» супала з падрыхтоўкай і правядзеннем выбараў. Марафон таксама стаў яркай старонкай сучаснага летапісу Бацькаўшчыны, які здолеў аб’яднаць дзясяткі гарадоў і мільёны сэрцаў. Здолеў аб’яднаць усю нашу краіну.
Канешне, кожны чалавек індывідуальны: вольны сам вызначыць сэнс жыцця, які, несумненна, у першую чаргу залежыць ад самога чалавека. Мы павінны і надалей вучыцца ў таленавітага земляка, які меў шчасце быць мастаком слова боскай міласцю і зведаў на ўласным лёсе ўсе цяжкасці, што выпалі на долю яго пакалення, але не здрадзіў сабе, чытачам, Бацькаўшчыне.
Мы зрабілі свой выбар, каб і надалей ажыццяўляць задуманае, запланаванае, каб краіна станавілася яшчэ больш прыгожай і ўтульнай для нас, для нашых дзяцей і ўнукаў. Мы абавязкова захаваем мірнае неба над галовамі, бо ў нас Прэзідэнт з вялікай літары. Знаходзячыся ў цэнтры Еўропы, мы, як і раней, – надзейны астравок міру, добрасуседства і цвярозага сэнсу. Мы захаваем справядлівасць і парадак, гармонію і дабрыню. Мы не будзем танчыць пад чужую дудку.
Чалавек – сапраўды, цэлы свет. Вялікі і неабсяжны. Упэўнены: і наступныя значныя грамадскія мерапрыемствы пройдуць арганізавана і культурна, метадычна і граматна. І, канешне, мы зноў запросім на іх шматлікіх гасцей-назіральнікаў: нам заўсёды ёсць што паказаць, чым здзівіць і нават навучыць самаму светламу і добраму.
Спецыяльна для «СП» Канстанцін КАРНЯЛЮК
Комментарии