Віншаванне з цудоўным святам
Настаяцель прыхода храма свяціцеля Мікалая Цудатворца аграгарадка Грозава іерэй Сергій Мархотка павіншаваў пастаяльцаў і работнікаў Грозаўскага сацыяльнага пансіяната «Ліпавы рай» з Нараджэннем Хрыстовым і расказаў гісторыю свята.
Адкрыўся магазін
Зараз жыхары Сунаёў і бліжэйшых вёсак могуць зрабіць пакупкі, не выязджаючы ў райцэнтр. Зусім нядаўна ў дадзеным населеным пункце адбылося адкрыццё прыватнага магазіна, у якім раней знаходзіўся гандлёвы аб’ект Капыльскага райспажыўтаварыства. Тут можна набыць прадукты харчавання і тавары першай неабходнасці.
Час цудаў
Падчас правядзення акцыі «Ад усёй душы» бібліятэкар Грозаўскай сельскай бібліятэкі Таццяна Нераненя наведала пражываючых у доме сумеснага самастойнага пражывання «Дом надзеі» ў аг. Грозава. Для людзей сталага ўзросту падрыхтавалі віншавальную паштоўку «Каляды – час цудаў». Тут быў арганізаваны салодкі стол, гучалі калядныя вершы і песні. Акрамя гэтага, у Грозаўскім дзіцячым садзе бібліятэкар арганізавала работу творчай майстэрні «Зімовай казачнай парой» (на здымку).
Выдатнікам школ прысвячалася
Навучэнцы Грозаўскай і Камсамольскай сярэдніх школ прынялі ўдзел у святочнай забаўляльнай праграме ў Палацы культуры прафсаюзаў у г. Мінску. Акрамя гэтага, дзякуючы філіялу «Лакнэя» падчас правядзення акцыі «Нашы дзеці» выдатнікі школ сталі ўдзельнікамі навагодняга свята, якое праходзіла ў Капылі.
У шосты школьны дзень
Суботняя раніца для аматараў спорту выдалася бадзёрай і вясёлай. У Камсамольскай сярэдняй школе прайшлі спаборніцтвы па зімовым мнагаборстве пад назвай «Абаронца Айчыны».
Комментарии