Прыём правяла суддзя
Старшыня суда Капыльскага раёна Алена Кісель у аг. Быстрыца правяла прыём грамадзян, індывідуальных прадпрымальнікаў і прадстаўнікоў юрыдычных асоб. На прыём запісаліся тры чалавекі.
Погляд маленькіх жыхароў
У Быстрыцкім дзіцячым садзе прайшло выхаваўчае мерапрыемства патрыятычнай накіраванасці для дзяцей старэйшай групы «Пісьмо пра Беларусь». Маленькія жыхары аграгарадка пастараліся выказаць думкі аб роднай зямлі. Удзел у сустрэчы прыняў старшы памочнік пракурора Капыльскага раёна Аляксей Загорцаў (на здымку).
Знаёмства з прыродай
Навучэнцы 3-4 класаў Быстрыцкай СШ наведалі Капыльскі раённы краязнаўчы музей, у якім была прадстаўлена інтэрактыўная фотавыстава «Гукі прыроды: галасы птушак і жывёл». Вучні з задавальненнем разглядалі здымкі звяроў і птушак, якія насяляюць тэрыторыю Рэспублікі Беларусь.
Павага да дзяржаўных сімвалаў
Для згуртавання грамадства на аснове паважлівага стаўлення да нацыянальнай дзяржаўнасці навучэнцы Быстрыцкай СШ прынялі ўдзел у флэшмобе «Нашы сімвалы – наш гонар».
Уклад у дэмаграфію
У лістападзе ў аграгарадку Быстрыца на аднаго жыхара стала больш. На свет з’явіўся маленькі хлопчык.
Комментарии