Да свядомасці - праз духоўнасць
У Вялікай Раёўцы адбылося выяздное пасяджэнне савета ГПАП, удзел у якім прынялі выконваючы абавязкі начальніка Капыльскага РАУС Дзмітрый Ліпніцкі, начальнік АДАІ Аляксандр Шавалееў і настаяцель храма свяціцеля Мікалая Цудатворца протаіерэй Міхаіл Мардвінаў (на здымку). Падчас сустрэчы галоўным было пытанне аб ролі царквы ў выхаванні насельніцтва. Сярод іншага, святар звярнуў увагу на супрацьпраўныя паводзіны з пазіцыі царкоўнай маралі.
Новыя спартыўныя аб’екты
На тэрыторыі сельсавета з’явіліся адразу дзве новыя варкаўт-пляцоўкі: у аг. Браткава ў парку каля бібліятэкі-клуба і ў в. Руднае на пляцоўцы па вул. Цэнтральнай.
Клопат пра чалавека
Да дня пажылых людзей у аг. Цімкавічы была арганізавана сустрэча з супрацоўнікамі Капыльскага РАНС і прадстаўнікамі Капыльскага ТЦСАН. Абмеркавалі пытанні бяспекі і сацыяльна-побытавага абслугоўвання грамадзян, якім патрабуецца дапамога.
Салігарчанам - аб Цімкавічах
Работнікі Цімкавіцкай сельскай бібліятэкі правялі краязнаўчую экскурсію па памятных месцах аграгарадка для школьнікаў з Салігорска.
Навядзенне парадку
Працягваецца добраўпарадкаванне тэрыторыі. Вядзецца абкошванне, прыбіранне стыхійных сметнікаў, спілоўванне аварыйных дрэў, пасадка дрэў і кустарнікаў.
Комментарии