«Жыцця залаты лістапад»
У рамках названага праекта работнікі Ляшнянскага клуба-бібліятэкі (на здымку) правялі для пажылых людзей віншавальную акцыю на даму «Мы ў дом ваш прыйшлі з дабром». Трэба адзначыць, што супрацоўнікі ААТ «Капыльскае» і ААТ «Ціміразеўскі» таксама ўшаноўвалі падарункамі і віншавалі сваіх былых работнікаў з Днём пажылых людзей.
Віншавалі настаўнікаў...
Да Дня настаўніка ў Быстрыцкай сярэдняй школе адбылася святочная канцэртная праграма. Кожны вучань сваім выступленнем пажадаў педагогам шчасця, яркага сонейка, радасці і цяпла. На працягу ўсяго канцэрта гучалі словы падзякі настаўнікам за цеплыню сэрцаў, за іх мудрасць і цярпенне.
...і матуль
Напярэдадні Дня маці аддзел нестацыянарнага абслугоўвання насельніцтва Капыльскі раённы цэнтр культуры парадаваў жыхароў вёскі Лешня канцэртнай праграмай «Ты адна такая – любімая, родная!» з удзелам вакальнага ансамбля «Рабінушка» і баяніста Аляксандра Карповіча. Удзельнікі канцэрта на працягу ўсяго мерапрыемства дарылі добрыя словы і ўсмешкі. Гэта было вельмі прыгожае і незабыўнае свята, прысвечанае самым родным людзям на свеце – матулям.
«Паклон вам, маці дарагія»
Напярэдадні свята ў вёсцы Лешня адбыўся канцэрт. Увесь вечар панавала ўрачыстая атмасфера, гучалі песні і вершы. З віншавальнай прамовай выступіў старшыня пярвічнай ветэранскай арганізацыі Іван Максімавіч Пішчэўскі.
На аднаго жыхара стала больш
Дзень настаўніка падарыў аграгарадку Быстрыца новага жыхара. Пасведчанне аб нараджэнні дзіцяці бацькі атрымалі ў сельвыканкаме.
Комментарии