Адказныя грамадзяне
На тэрыторыі сельсавета праходзяць мерапрыемствы па добраўпарадкаванні. Так, ажыццёўлена абкошванне аг. Семежава і в. Філіпавічы ўздоўж трасы Р43. У мерапрыемствах па навядзенні парадку ўдзельнічаюць і грамадзяне, якія пражываюць у населеных пунктах сельсавета. Так, сіламі насельніцтва ажыццёўлена ўборка на старых могілках у аг. Семежава.
У планах - святочныя мерапрыемствы
Па словах старшыні Семежаўскага сельвыканкама Вікторыі Кунаш-Літвіной, да Дня маці на тэрыторыі сельсавета плануецца святочнае мерапрыемства:
– На тэрыторыі сельсавета ёсць сем’і, якія праводзілі на Вялікую айчынную вайну пяць дзяцей, чатыры дзіцяці, тры. На жаль, ніхто з іх не вярнуўся. У памяць аб маці, якія праводзілі сваіх дзяцей на вайну, мы плануем усталяваць мармуровую пліту. Адкрыццё гэтага аб’екта будзе прымеркавана да Дня маці, які адзначаецца ў нашай краіне 14 кастрычніка.
21 верасня ў в. Чырвоная Дубрава адбудзецца канцэрт артыстаў Капыльскага раённага цэнтра культуры.
– Гістарычна так склалася, што менавіта ў гэты дзень (у народзе ён атрымаў назву Багач) у гэтым населеным пункце заўсёды было свята. Таму мы вырашылі не адступаць ад старонак нашай гісторыі, – падзялілася Вікторыя Кунаш-Літвіна.
Комментарии