Гістарычныя падзеі 31 ліпеня
У 1920 годзе Літоўска-Беларуская ССР спыніла існаванне, адбылося Другое абвяшчэнне ССРБ.
Хто нарадзіўся 31 ліпеня
1640 год: Міхал Вішнявецкі, кароль польскі і вялікі князь літоўскі.
1817 год: Ігнат Храпавіцкі, беларускі паэт і фалькларыст.
1898 год: Сендэр Палеес, беларускі мастацтвазнаўца, гісторык і публіцыст.
Таксама сёння нарадзіліся французскі кінаакцёр Луі дэ Фюнес і англійская пісьменніца Джаан Роўлінг.
31 ліпеня ў народным календары
Сёння праваслаўныя вернікі шануюць памяць пакутніка Емільяна Дарастольскага.
У гэты дзень гаспадыні звычайна займаліся нарыхтоўкамі, пакуль мужчыны завяршалі працы на полі. Яны гатавалі разнастайныя варэнні: не толькі з садавіны, але і з гародніны.
Увечары рыхтавалі лазню. Каб засцерагчыся ад нячысцікаў, якія, па павер'і жылі там, карысталіся травамі – напрыклад, крапівой, якая на погляд нашых продкаў выдатна абараняла ад зла. Таксама перад тым, як зайсці ў баню, кідалі туды маленькі каменчык і прымаўлялі: "Чорту ў лоб!".
Калі 31 ліпеня цёпла, можна чакаць прыгожую залатую восень. Калі ж пахмурна і дажджліва, такое ж надвор'е будзе і ў верасні.
Комментарии