Гістарычныя падзеі 29 ліпеня
У 1939 годзе Вярхоўны Савет БССР прыняў рашэнне перайменаваць горад Менск у Мінск.
У 1961 годзе гарадскі пасёлак Шацілкі пераўтвораны ў горад Светлагорск, Парыцкі раён перайменаваны ў Светлагорскі.
Хто нарадзіўся 29 ліпеня
1908 год: Юрка Лявонны, беларускі паэт.
Таксама сёння нарадзіўся рускі музыказнавец, кампазітар Барыс Асаф'еў.
29 ліпеня ў народным календары
Сёння праваслаўныя вернікі шануюць памяць святапакутніка Афінагена і дзесяці яго вучняў.
У вёсках працягваецца жніво. Апошнія снапы звычайна пакідалі на полі як ахвяру для будучага добрага ўраджаю. Калі ў полі заўважалі шмат мышэй, якія ядуць азімыя – прадбачылі доўгую і цяжкую зіму.
Калі раса трымаецца на траве да сярэдзіны дня, чакаецца гарачае надвор'е. Пра тое ж сведчаць і птушкі, якія высока ўзнімаюцца ў неба.
Комментарии