Кіпіць работа на палетках ААТ «Прагрэс 2010» — стартаваў самы адказны для аграрыяў час — жніво. Распачала ўборачную кампанію гаспадарка з уборкі азімага рапсу, убіралі ўжо і азімую пшаніцу, і ранні яравы ячмень.
[caption id="attachment_78335" align="aligncenter" width="840"]
■ На рапсавым палетку - сямейны экіпаж Алега і Дзяніса Збіруховічаў[/caption]
За вёскай Траянава непадалёк дарогі чуцён прыемны гул камбайнаў — тры адзінкі тэхнікі працуюць на ўборцы алейнай культуры, дзве — побач на ячменным палетку.
— На ўборцы рапсу заняты камбайны, якія абсталяваны так званымі рапсавымі сталамі для забеспячэння якасці ўборкі насення, што дае магчымасць пазбегнуць страт, — расказвае галоўны аграном сельгаспрадпрыемства Мікалай Краўчанка. — На жніве рапсу задзейнічаны тры экіпажы камбайнераў. На адным з камбайнаў працуюць Віктар Каляда і Яўген Белаш. Два працоўныя экіпажы — сямейныя: Алег Збіруховіч з сынам Дзянісам і Аляксандр Дубовік з сынам Аляксандрам. А вось ячмень даверылі ўбіраць маладым механізатарам. Экіпажу Кірыла Малюжыца з Аляксандрам Навіцкім і Яўгену Саю, які працуе без памочніка. Тэхнікай пажарнага прыкрыцця кіруе Сяргей Кляшэвіч, які сочыць за бяспекай у час аграрных працэсаў. Разам з тым усе камбайны абсталяваны кандыцыянерамі, укамплектаваны медыцынскімі аптэчкамі, сродкамі тушэння пажару.
[caption id="attachment_78336" align="aligncenter" width="840"]
■ Вадзіцель на адвозцы Васіль Гапановіч[/caption]
На адвозцы збажыны працуюць вадзіцелі МАЗаў Аляксандр Козел, Аляксандр Чарняк, Васіль Гапановіч, Леанід Івашка, на МТЗ — механізатар Уладзімір Кульбіцкі.
Для своечасовай прасушкі ўраджаю ў аграгарадку Пацейкі працуе збожжасушыльны комплекс «Амкадор», не адмаўляюцца тут і ад немаладога ўжо КЗС-10.
[caption id="attachment_78334" align="aligncenter" width="840"]
■ Маладзёжны экіпаж у складзе Кірыла Малюжыца і Аляксандра Навіцкага[/caption]
На пытанне, як праходзяць першыя дні жніва, Мікалай Краўчанка адказаў:
— З пачатку ўборкі сабрана каля 1500 тон рапсавага насення, ураджайнасць складае 33–35 ц/га. Думаем, што да канца ўборачнай яна павысіцца. Гэтымі днямі ўбіраем самыя ўрадлівыя палеткі. Першыя гектары збожжавых культур таксама паказваюць добрыя вынікі: і пшаніца, і ячмень даюць каля 40 ц/га. І гэта толькі першыя крокі жніва. Усе спадзяванні на добрае надвор’е і на спраўнасць тэхнікі.
[caption id="attachment_78337" align="aligncenter" width="840"]
■ Абеды ў поле дастаўляе раздатчык Вераніка Малюжыц[/caption]
Як адзначыў Мікалай Краўчанка, лю-дзей не хапае, таму гаспадарка вымушана звяртацца па дапамогу да наёмных работнікаў на час жніва.
— Работа на камбайне мне за радасць, — гаворыць Алег Збіруховіч. — Чакаю жніва з нецярпеннем. Стараюся кожны сезон дапамагчы якой-небудзь гаспадарцы. Сёлета ў мяне памочнікам сын Дзяніс, які прыехаў з Мінска на перыяд гарачай пары ў родныя мясціны. Машына гатова да работы, аснашчана ўсім неабходным па пажарнай бяспецы і тэхніцы аховы і бяспекі працы. У поле выходзім, як толькі прападае раса, і працуем да самай цемры. Створаны добрыя ўмовы працы: забяспечаны мінеральнай вадой, каларыйным двухразовым харчаваннем.
Сяргей КОЗЕЛ
Церемония подписания состоялась на заседании Национального совета по трудовым и социальным вопросам в штаб-квартире Федерации профсоюзов Беларуси. От правительства документ подписал заместитель премьер-министра Владимир Семашко, от республиканских объединений нанимателей — председатель республиканской ассоциации предприятий промышленности «БелАПП» Анатолий Харлап, от профсоюзов — председатель ФПБ Михаил Орда. «Все обязательства правительства: по росту заработной платы, занятости, социальным благам, развитию здравоохранения и образования — отражены в нашем документе, который мы подписали», — сказал Владимир Семашко. В свою очередь Михаил Орда добавил, что соглашение охватывает практически весь спектр трудовых и социальных вопросов. В частности, по его словам, крайне важным является принятие неотложных мер по социальной поддержке безработных, а также по защите тех, кто может ими стать в перспективе. «Мы договорились в ближайшее время выработать механизм контроля за принятыми решениями, чтобы они носили не рекомендательный, а обязательный характер», — обратил внимание председатель ФПБ.
На снимке: заместитель премьер-министра Беларуси Владимир Семашко, председатель Федерации профсоюзов Беларуси Михаил Орда и председатель республиканской ассоциации предприятий промышленности «БелАПП» Анатолий Харлап во время подписания генерального соглашения. 
