■ З асаблівай цікавасцю госці свята скакалі праз купальскае вогнішча[/caption]
Гэта свята, мабыць, як ніякае іншае, ахутана таямніцай і чараўніцтвам. Шмат павер’яў беларусаў звязана менавіта з ім. Самае вядомае — пра пошукі папараць-кветкі: хто знойдзе яе, той набудзе шчасце на ўсё жыццё. Сапраўднымі казачнікамі для капылян і гасцей горада сталі супрацоўнікі раённага Цэнтра традыцыйнай культуры. Менавіта яны стварылі захапляльную і па-купальску таямнічую забаўляльную праграму — «У купальскую ноч».
[caption id="attachment_78171" align="aligncenter" width="840"]
■ Радаваліся святу і дзяўчынкі: для іх стала прыемнасцю магчымасць прымераць вянкі з палявых кветак[/caption]
Самадзейныя артысты названай установы культуры, а таксама навучэнцы Капыльскага дзяржаўнага каледжа яскрава разыгрывалі гумарыстычныя сцэнкі з жыцця беларускага народа і нават уразілі ўсіх прысутных тэатралізацыяй так званага вясельнага абраду нячысцікаў. З вялікім жаданнем добраахвотнікі прымалі ўдзел у конкурсах, падчас правядзення якіх можна было даведацца пра свой лёс і паспрабаваць адшукаць адказ на пытанне, ці знойдзеш у гэтым годзе суджанага. Сваім майстэрствам стваралі святочны настрой юныя артысты з танцавальнага калектыву РЦК пад кіраўніцтвам Святланы Папок. І дзеткі, і дарослыя з задавальненнем каштавалі шашлыкі, якія гатавалі супрацоўнікі райспажыўтаварыства, ласаваліся папкорнам і салодкай ватай.
[caption id="attachment_78173" align="aligncenter" width="840"]
■ Запрашаюць Купалінкі - Крысціна Пташук і Вольга Бранская[/caption]
Сапраўдны смак купальскага настрою ўдзельнікі свята адчулі падчас гульнявой праграмы «Купальскае ігрышча». Менавіта тады настаў самы доўгачаканы момант — спальванне чучала лялькі Мары. Хлопцы і дзяўчаты перакідвалі адзін аднаму праз вогнішча вяночкі, закідвалі іх на самую высокую галінку бярозкі, каб даведацца, ці хутка пажэняцца. А якое ж Купалле без скачкоў праз агонь? Таму скакалі праз чароўнае вогнішча і маладыя, і дарослыя вельмі старанна: усе жадалі пазбавіцца ад хвароб і няўдач і тым самым набыць здароўе і поспех.
[caption id="attachment_78175" align="aligncenter" width="840"]
■ На сцэне Святлана Шчукіна, Вячаслаў Курчык і Крысціна Пташук паказваюць сцэнкі з жыцця беларускага народа[/caption]
Шмат гасцей прыехала на свята з розных іншых гарадоў. Для іх удзел у традыцыйным беларускім ігрышчы стаў сапраўднай прыгодай.
Напрыканцы свята больш удачлівыя маладыя людзі Кацярына і Максім знайшлі-такі таямнічую папараць-кветку і атрымалі за тое смачны прыз. А гэта значыць, што ім, як і ўсім, хто завітаў на свята, быць шчаслівымі і багатымі!
Дзіяна ТКАЧЭНКА 
Сяргей ЛАЗОЎСКІ
Фота аўтара 
На Копыльщине дан старт студотрядовскому движению и организации вторичной занятости молодежи в 2016 году.
Первый студенческий сервисный отряд начал свою деятельность на базе УО «Копыльский государственный колледж». Девушки занимаются пошивом постельного белья.
Виктория ШОСТАК,
первый секретарь РК ОО «БРСМ» 
— Актыўная работа па навядзенні парадку на зямлі, добраўпарадкаванні і азеляненні населеных пунктаў распачалася пасля аб’яўлення адпаведнага месячніка, які арганізаваны з 11 сакавіка па 30 красавіка. Мы распрацавалі шэраг мерапрыемстваў, згодна з якімі зараз і працуем. У работах задзейнічаны сельгаспрадпрыемствы і арганізацыі сацыяльнай сферы, размешчаныя на тэрыторыі нашага сельсавета, а таксама УА «Капыльскі дзяржаўны каледж». Перш за ўсё яны наводзілі парадак ля сваіх адміністрацыйных будынкаў, а затым прынялі ўдзел у суботніках і працоўных дэсантах, якія мы арганізавалі на землях агульнага карыстання.
Згодна з рашэннем райвыканкама дапамогу ў правядзенні работ нам аказваюць і гарадскія арганізацыі: апарат райвыканкама, аддзел адукацыі, спорту і турызму, фінансавы аддзел, рэдакцыя газеты «Слава працы», за што я ім выказваю вялікую ўдзячнасць. Усяго ў работах ужо прыняло ўдзел каля 200 чалавек. Мы працавалі ў шасці населеных пунктах сельсавета і на пяці грамадзянскіх могілках. Работы арганізоўвалі ў тых вёсках, дзе мы зносілі старыя дамы і неабходна было расчысціць плошчы для разборкі фундаментаў. У асноўным працавалі ў вёсцы Стары Капыль. Там у зімовы перыяд мы падрыхтавалі ўсе неабходныя дакументы (правялі іх праз суд) на пяць будынкаў. ААТ «П-з Дусаеўшчына» знесла іх і выкарыстала драўнінныя рэшткі на свае патрэбы. Цяпер мы на месцы сядзіб высеклі кустоўе і падрыхтавалі ўсё для таго, каб знесці фундаменты.
Вялікая работа вядзецца і на грамадзянскіх могілках, яе мы распачалі таксама яшчэ зімой, калі сельгаспрадпрыемствы былі не так заняты на вытворчасці. За студзень-люты мы павысякалі зараснікі, спілавалі дрэвы.
Напрыклад, на могілках у в. Кель мы працуем ужо два тыдні, і яшчэ работы не завершаны. Спілоўвалі дрэвы і на могілках у Вусаве, цяпер плануем ачысціць плошчу ад пнёў, перапрафіліраваць і расшырыць тэрыторыю для пахаванняў. Ішлі работы ў Каменцы (ля ўваходу на могілкі мы спілавалі дрэвы), Чырвоным Партызане і Вялешыне.
На могілках нямала аварыйна небяспечных дрэў, якія могуць прынесці нямала непрыемнасцей. Напрыклад, у Вусаве на агароджу ўпала вялікая бяроза, два старыя дрэвы ўпалі на могілках вёскі Мазалі і крыху пашкодзілі помнік. Таму насельніцтва правільна непакоіцца і нават сваімі сродкамі дапамагае нам у вырашэнні гэтай праблемы.
Заканчваючы размову наконт грамадзянскіх могілак, хацелася б звярнуцца да жыхароў нашых населеных пунктаў, а таксама да людзей, якія прыязджаюць, каб навесці парадак на месцах пахавання сваіх родных і блізкіх людзей. Вялікая просьба не выкідаць смецце на тэрыторыі могілак — для гэтага ёсць спецыяльныя кантэйнеры. Гэта святое для кожнага з нас месца, і адносіцца да яго трэба з павагай. І яшчэ, прыбіраючы магілы сваіх блізкіх, кіньце вокам і на суседнія. Магчыма, там няма каму прыбрацца, а таму не пашкадуйце некалькі хвілін, каб і там навесці парадак.
Хацелася б узгадаць яшчэ пра помнікі аднавяскоўцам, воінам і партызанам, якія загінулі падчас Вялікай Айчыннай вайны. Яны таксама не выпадаюць з нашага поля зроку. Мы ўжо навялі там парадак, цяпер засталося іх пафарбаваць, неяк асвяжыць і надаць больш прывабны выгляд. Гэтым у бліжэйшы час будзем і займацца.
Дарэчы, усе пытанні па навядзенні парадку мы вырашаем разам з насельніцтвам: арганізоўваем вясковыя сходы, выязджаем на сустрэчы, цесна супрацоўнічаем са старэйшынамі вёсак і ўчастковымі інспектарамі міліцыі. Дзе трэба, выпісваем прадпісанні (іх ужо 93 з пачатку года), складаем пратаколы (6).
Нягледзячы на тое, што месячнік хутка завершыцца, аднак работы па навядзенні парадку на тэрыторыі Капыльскага сельсавета працягнуцца. У нас многа планаў, і мы пастараемся іх рэалізаваць.
Запісала Маргарыта САКОВІЧ
Механізатар Аляксандр Нераненя сее ячмень[/caption]
Усе веснавыя палявыя работы ў гаспадарцы вядуцца ў комплексе: закрыццё вільгаці і перадпасяўная падрыхтоўка глебы, ворыва, унясенне азотных угнаенняў і арганікі і, вядома ж, сяўба.
— Механізатары добра ведаюць, што ад таго, наколькі паспяхова яны папрацуюць зараз, у многім залежыць і агульны вынік, — расказвае Сяргей Сяргеевіч. — Таму стараюцца ад душы. Тым больш, што сёлетнюю пасяўную мы праводзім без свайго кіраўніка — ён захварэў. А гэта дабаўляе імкнення выканаць план як мага лепш, каб не падвесці яго. Сярод тых, хто найбольш адказна ставіцца да работы, у першую чаргу хацелася б назваць Аляксандра Нераненю — ён займаецца сяўбой. Добра ведаюць сваю справу Вячаслаў Касцюкевіч і Аляксандр Машэй, якія аруць глебу пад сяўбу яравых культур, старанна выконвае даручанае заданне (уносіць арганіку) і Іван Васцьянаў. Можна ўзгадваць і іншыя прозвішчы, паколькі стараюцца ўсе.
[caption id="attachment_47631" align="aligncenter" width="580"]
Вядзе ворыва Аляксандр Машэй[/caption]
Працоўны дзень у механізатараў пачынаецца ў сем гадзін раніцы і цягнецца да 20.00—20.30. У мясцовай сталовай гатуюць абеды і падвячоркі і дастаўляюць на палеткі, дзе кіпіць работа.
— Мы забяспечваем двухразовым гарачым харчаваннем усіх занятых на палявых работах, — расказвае галоўны аграном гаспадаркі Мікалай Млынарчык, разам з якім мы наведаліся на некаторыя палеткі і пазнаёміліся з тым, як арганізавана работа. — Гэта дазваляе больш аператыўна спраўляцца з пастаўленай задачай. Стараемся інфармаваць механізатараў аб зробленым за папярэдні дзень — на мехмайстэрні вядзецца спецыяльны экран.
На выхадных на Капыльшчыне прайшоў дождж, але гэта акалічнасць ніяк не засмуціла аграрыяў: нездарма кажуць, што сеяць у дождж — добрая прымета. Значыць і на высокі ўраджай спадзявацца можна!
Маргарыта САКОВІЧ
Фота аўтара 
