Да будучай пасяўной можна было набыць высокаякаснае насенне бульбы ад ААТ «Старыца-Агра» — гэта насенняводчая гаспадарка вядома далёка за межамі нашага рэгіёну. Гатункі «скарб», «фларэнцыя», «рэд скарлет» даспадобы нашаму спажыўцу і даўно набылі папулярнасць. Была ў продажы і харчовая бульба, можна было набыць цыбулю, моркву, сталовыя буракі, капусту, якія добра захаваліся пасля зімы і не згубілі сваіх пажыўных якасцей. Іх прапаноўвалі як прадстаўнікі фермерскіх гаспадарак, так і сельгаспрадпрыемстваў Капыльшчыны. Традыцыйна на кірмашы выставілі сваю прадукцыю ААТ «Капыльскае» (свініну і паўфабрыкаты з яе) і ААТ «Семежава» (мяса птушкі). Выстройваліся чэргі і ля гандлёвых кропак Капыльскага райспажыўтаварыства.
Наступны кірмаш адбудзецца ў Капылі 9 красавіка.
Будзе арганізаваны аналагічны продаж тавараў 23 красавіка, 7 і 14 мая.
Маргарыта САКОВІЧ Фота Паўла ШЭІНА
Комментарии