Часлава ГРЫГАРОВІЧ, ветэран педагагічнай працы, старшыня пярвічнай ветэранскай арганізацыі ААТ «П-з Дусаеўшчына»:
— З газетай «Слава працы» я сябрую з 1957 года, калі вярнулася на Капыльшчыну. І яшчэ не было ніводнага года, каб я яе не выпісвала. Хачу адзначыць, што з кожным годам раёнка становіцца ўсё больш цікавай і змястоўнай. Відаць, што калектыў плённа працуе. Яна настолькі насычана інфармацыяй, што іншыя выданні можна і не выпісваць. У ёй знойдзеш навіны палітыкі, эканомікі, сельскай гаспадаркі, культуры, медыцыны, даведаешся, як прадухіліць хваробу ці даглядаць сад і агарод і многае іншае. Словам, ахоплены ўсе бакі нашага жыцця, вельмі цікава чытаць пра людзей, асабліва пра тых, каго добра ведаеш. Жадаю газеце далейшага росквіту!
Комментарии