Мы адзначаем свята, якое аб’ядноўвае ўсіх, хто любіць сваю родную зямлю і працуе на ёй.
Нашы карэспандэнты наведаліся на кожнае прадпрыемства аграпрамысловага комплексу раёна, каб расказаць пра тых, для каго сельская гаспадарка — гэта жыццёвы ўклад, пра людзей, працавітасць, упартасць якіх даюць рэальную аддачу: хлеб, малако, мяса і іншыя прадукты харчавання.
Гонар і пашана ім!
Прыміце віншаванні!
Шаноўныя аграрыі Капыльшчыны, паважаныя ветэраны вытворчасці!
Сардэчна віншуем вас з прафесійным святам. Шчыра дзякуем за вашу самаадданую і сумленную працу ў адной з самых важных галін эканомікі.
Вынікі, дасягнутыя працаўнікамі раёна, бясспрэчна, папаўняюць агульнарэспубліканскі каравай. Хлебаробы, жывёлаводы, кіраўнікі і спецыялісты сельгаспрадпрыемстваў, фермерскіх гаспадарак — кожны на сваім працоўным месцы ўносіць свой уклад у ажыццяўленне харчовай бяспекі краіны. Паспяхова працуюць і калектывы перапрацоўчай прамысловасці.
Будучае залежыць ад кожнага з вас, вашай руплівасці, умення, прафесіяналізму. Няхай жа прыгажэюць, багацеюць аграгарадкі, вёскі, больш заможным становіцца жыццё! Жадаем моцнага здароўя, аптымізму, бадзёрага настрою, новых працоўных поспехаў.
Раённы выканаўчы камітэт
Раённы Савет дэпутатаў
Комментарии