Вытворчасць і рэалізацыя малака стала асноўным пытаннем падчас чарговай нарады ў першага намесніка старшыні райвыканкама начальніка ўпраўлення райсельгасхарчу Анатоля Ладыгі.
Тэма закранута невыпадкова: у 12 гаспадарках раёна катастрафічна падаюць надоі і складаюць усяго 7-12 літраў у дзень. Якое выйсце ёсць з гэтай сітуацыі і што неабходна зрабіць, каб не губляць малако ў будучым, абмяркоўвалі падчас пасяджэння.
Асноўная ўвага кіраўнікоў сельгаспрадпрыемстваў і галоўных аграномаў, якія прынялі ўдзел у мерапрыемстве, была скіравана на забеспячэнне паўнацэннага рацыёну дойнага статка на бліжэйшы час. З-за высокай тэмпературы адчуваецца недахоп кармоў. У дадатак заўчасна пачала высыхаць кукуруза. Таму ўжо цяпер неабходна займацца яе ўборкай. Да кіраўнікоў даведзена задача: пачаць закладку сіласу на гэтым тыдні.
Была засяроджана ўвага і на неабходнасці ўнясення гліфасатутрымальных прэпаратаў, разгледжаны пытанні па разліках за электраэнергію і ўводзе ў севазварот зямлі, якая распрацавана пасля раскарчоўкі садоў.
Сяргей ЛАЗОЎСКІ
Комментарии