Традыцыйна на пачатку лета педагогі Капыльшчыны збіраюцца на раённую спартакіяду. Арганізоўваюць яе аддзел адукацыі, спорту і турызму райвыканкама і райкам прафсаюза работнікаў адукацыі і навукі.
Сёлета спаборніцтвы прайшлі на базе СШ №2 г. Капыля. Спартсменам-педагогам неабходна было пераадолець наступныя конкурсы: дартс, кіданне баскетбольнага мяча ў кальцо, скачкі ў даўжыню з месца, падцягванне на перакладзіне, згінанне і разгінанне рук ад гімнастычнай скамейкі, жангліраванне футбольным мячом, скачкі са скакалкай, лёгкаатлетычная эстафета і міні-валейбол.
[caption id="attachment_41223" align="aligncenter" width="580"]
Каманды-пераможцы[/caption]
Найбольш паспяхова прайсці праз усе этапы спартакіяды атрымалася ў прадстаўнікоў каманды СШ №2 г. Капыля, крыху ім саступілі педагогі з СШ №3 і Семежаўскай СШ. Усе пераможцы ўзнагароджаны грашовымі прэміямі ад галіновага прафсаюза, а лідары таксама ўдастоены абанементаў на наведванне басейна фізкультурна-аздараўленчага комплексу.
Падводзячы вынікі спартакіяды, начальнік аддзела адукацыі, спорту і турызму райвыканкама Алена Міхайлоўская і старшыня райкама прафсаюза работнікаў адукацыі і навукі Людміла Камёнка павіншавалі пераможцаў, уручылі ім граматы і кубкі.
Сяргей КОЗЕЛ
Фота аўтара
Комментарии