Пераможцаў раённага конкурсу творчых работ і малюнкаў “Малая радзіма вялікіх людзей” узнагародзіў намеснік прэм’ер-міністра Рэспублікі Беларусь Ігар Петрышэнка. У намінацыі “Выяўленчае мастацтва” каштоўныя падарункі атрымалі: Ганна Краўцова і Аляксандра Смаль з Капыльскай дзіцячай школы мастацтваў, Аляксей Бучык з сярэдняй школы №3 г. Капыля, Настасся Пісарэнка з Цімкавіцкай сярэдняй школы імя Кузьмы Чорнага.
На пляцоўцы каля раённага цэнтра культуры была магчымасць пазнаёміцца з малюнкамі, прысвечанымі родным мясцінам, і ілюстрацыямі па матывах вядомых мастацкіх твораў.
Дарэчы, да Дня беларускага пісьменства рыхтавалася і іншая таленавітая моладзь: актыўныя чытальнікі Капыльскай раённай цэнтральнай бібліятэкі імя Анатоля Астрэйкі, навучэнцы ўстаноў адукацыі раёна і дзіцячых школ мастацтваў.
Напісаны вершы, сачыненні, эсэ, прысвечаныя жыццю і творчасці паэтаў і пісьменнікаў Капыльшчыны, падрыхтаваны відэаролікі па творах знакамітых землякоў, яшчэ раз выразна перачытаны вершы і апавяданні.
Сяргей КОЗЕЛ
Фота Дзіяны ТКАЧЭНКІ
Комментарии