У рамках правядзення першага этапа марафону-конкурсу «Сярэбраная нітка», прысвечанага святкаванню 70-й гадавіны Перамогі ў Вялікай Айчыннай вайне, спецыялісты Капыльскага ТЦСАН працягваюць
дарыць радасць ветэранам.
Так, разам з членамі клуба «Шчырасць», арганізаванага на базе названай установы, спецыялісты аддзялення сацыяльнай адаптацыі і рэабілітацыі наведалі Бабаўнянскую бальніцу сястрынскага догляду. Жанчыны ўручылі пастаяльцам сувеніры, вырабленыя сваімі рукамі: араматызаваныя мяшэчкі, рамкі для фатаграфій і паштоўкі.
Псіхолагам Юліяй Кашубай была аказана адпаведная дапамога ўсім, хто да яе звярнуўся. Затым госці выканалі песні ваенных гадоў. Ім падпявалі і работнікі бальніцы, і самі пастаяльцы.
Дзіяна ТКАЧЭНКА
Комментарии