Цэнтральная плошча нашага горада зусім па-веснавому расквецілася ад шматлікай колькасці дарослых і дзяцей.
Тут жа ўдзельніцы аматарскага аб’яднання нацыянальнай кухні «Лоцвінскія ўдалухі» Валянціна Шыман-ская і Галіна Дрожжа частавалі блінамі з рознай начынкай: і з тварагом, і з агароднінай, і нават з крабавымі палачкамі. Смаката! Побач з артысткамі з Семежаўскага цэнтра культуры і вольнага часу скакала бялюткая Каза і з вялікага кошыка раздавала ўсім жадаючым прадказанні наконт таго, што іх чакае ў наступіўшым годзе. Але няхай лепш пра тое раскажуць госці свята.
[caption id="attachment_39242" align="aligncenter" width="580"]
Семежаўскія артысты з «кошыкам прадказанняў»[/caption]
Лілія БОБКА:
— Вельмі весела сёння на свяце. Радуюць сонейка і шчырыя ўсмешкі капылян. Цудоўна спяваюць артысты з Навасёлкаўскага СДК. А згодна з прадказаннямі Казы, год у мяне чакаецца яскравым і цікавым. Будзем спадзявацца.
[caption id="attachment_39243" align="aligncenter" width="580"]
Частуюць «Лоцвінскія ўдалухі»[/caption]
Ірына САНЬКО:
— Па праўдзе кажучы, на свята трапіла выпадкова, але зусім не шкадую. Трэба было сюды завітаць, каб адчуць смак сапраўднай Масленіцы, сапраўднай медавухі, якой пачаставалі «Лоцвінскія ўдалухі». Ох, і смачная, ды яшчэ з блінамі!
Алена ЗАБЕЛА:
— На свята я прыйшла не адна, а разам са сваімі вучнямі — маленькімі гімназістамі. Хлопчыкі і дзяўчынкі з цікавасцю прынялі ўдзел у гульнях, пачаставаліся беларускімі прысмакамі.
А напрыканцы свята, як заўсёды, спалілі пудзіла зімы.
Сардэчна запрашаем цябе, прыгажуня Вясна!
[caption id="attachment_39244" align="aligncenter" width="580"]
Гуляюць «Капыльскія пацехі»[/caption]
Расказвае арганізатар свята дырэктар раённага цэнтра традыцыйнай культуры Галіна ГУРЛО:
— Перш за ўсё хочацца падзякаваць аддзелу ідэалагічнай работы, культуры і па справах моладзі райвыканкама за падтрымку. Каб свята атрымалася цікавым, артыстам нашага цэнтра прыйшлося папрацаваць. Вельмі цікавымі былі нумары, у якіх побач з Вольгай Даманскай і Вячаславам Курчыкам прымалі ўдзел навучэнцы Капыльскага дзяржаўнага прафесійна-тэхнічнага каледжа Максім Мароз, Генадзь Андрэйчык і сакратар гэтай установы Алена Волкава. Над гульнёвай праграмай працавалі ўдзельнікі народнага тэатра гульні і гумару «Капыльскія пацехі», Цэнтра творчасці дзяцей і моладзі Капыльскага раёна, фізкультурна-аздараўленчага комплексу.
Дзіяна ТКАЧЭНКА
Фота аўтара
Комментарии