На прыём да парламентарыя, які ён правёў у аграгарадку Ванелевічы, звярнуліся пяць чалавек.
Калектыўны зварот да парламентарыя паступіў ад жыхароў вуліцы Школьнай у в. Вялікая Раёўка. Яны выказалі занепакоенасць наконт прыватызацыі і набыцця дамоў, у якіх яны зараз пражываюць. Як запэўніў Анатоль Сцяпанавіч, гэта пытанне будзе разгледжана кіраўніцтвам раёна разам з ААТ “Крыніца”, яно ўзнята правільна, і з яго вырашэннем неабходна пайсці насустрач людзям.
[caption id="attachment_38990" align="aligncenter" width="580"]
Падчас прыёму[/caption]
Аднаго з жыхароў пасёлка Чыжэвічы хвалявала пытанне зямельнага ўчастка, з-за якога ўзнікаюць спрэчкі з суседкай. Выказана спадзяванне, што гэта праблема вырашыцца, а заяўніку будзе аказана неабходная юрыдычная дапамога.
Ад імя жыхароў аграгарадка Ванелевічы паступіла пытанне наконт уключэння іх населенага пункта ў праграму “Чыстая вада”. Яно накіравана ў КУП “Капыльская ЖКГ”.
Удзел у прыёме таксама прынялі старшыня раённага Савета дэпутатаў Ірына Кісляк і дырэктар ААТ “Піянер-Агра” Аляксандр Макарчук.
Сяргей КОЗЕЛ
Фота аўтара
Комментарии