Ужо другі год капылян і гасцей горада будзе радаваць штучная 12-метровая ёлка. Праўда, на гэты раз яна зноў змяніла месца сваёй “прапіскі”.
На мінулым тыдні навагоднюю прыгажуню ўстанавілі на пляцоўцы каля ўваходу ў раённы Цэнтр культуры. Мантажом галоўнага навагодняга атрыбута займаліся работнікі КУП “Капыльская ЖКГ”. Дарэчы, яны ж упрыгожвалі да свята і іншыя аб’екты ў горадзе.
А для тых, хто захоча набыць у свой дом сапраўдную лясную прыгажуню, у хуткім часе пачнуць працаваць ёлачныя кірмашы, дзе нават самыя патрабавальныя пакупнікі змогуць выбраць дрэўца на свой густ.
Сяргей КОЗЕЛ
Фота Паўла ШЭІНА
Комментарии