Чарговыя заняткі ў гуртку “Школа пазітыўнага мацярынства” прайшлі 6 кастрычніка ў радзільным аддзяленні УАЗ “Капыльская цэнтральная раённая бальніца”.
[caption id="attachment_37509" align="aligncenter" width="570"]
ідзе майстар-клас[/caption]
Арганізавана аматарскае аб’яднанне ў 2013 годзе пры тэрытарыяльным цэнтры сацыяльнага абслугоўвання насельніцтва. Як падкрэсліла загадчыца аддзялення сацыяльнай адаптацыі і рэабілітацыі Кацярына Уласавец, якая і кіруе гуртком, падчас заняткаў асноўная ўвага надаецца павышэнню прэстыжу сям’і і мацярынства, фарміраванню ўсвядомленага бацькоўства. Адзін раз на месяц супрацоўнікі цэнтра наведваюцца ва ўстанову аховы здароўя і праводзяць з будучымі маці лекцыі, гутаркі, трэнінгі для зняцця псіхала-гічнага і мышачнага напружання, практычныя заняткі.
Упершыню напярэдадні Дня маці для жанчын, якія знаходзяцца на лячэнні ў радзільным і гінекалагічным аддзяленнях бальніцы, вырашылі правесці майстар-клас па вырабе сувеніраў.
“Мы падрыхтавалі ўвесь неабходны матэрыял, — расказвае псіхолаг Ірына Бенеш, — шкляныя дэкаратыўныя бутэлькі, пафарбаваную ў розныя колеры вясёлкі соль, элементы для аздаблення вырабу. Жанчыны з вялікай цікавасцю ўзяліся за работу і праз некаторы час ужо маглі захапляцца справай сваіх рук. Гэтак жа актыўна і шчыра яны адгукнуліся на маё запрашэнне пагутарыць на тэму “Залог сямейнага шчасця”.
Маргарыта САКОВІЧ
Комментарии