Капыльская раённая газета “Слава працы”, адзіная з выданняў Міншчыны, стала пераможцай рэспубліканскага конкурсу сярод сродкаў масавай інфармацыі “Моцная сям’я — моцная дзяржава”, які ўжо трэці год запар арганізоўваўся Беларускім саюзам жанчын сумесна з Міністэрствам інфармацыі Рэспублікі Беларусь.
Сярод тых, хто таксама вызначыўся ў намінацыі “Лепшыя матэрыялы ў друкаваных рэгіянальных СМІ”, акрамя нашай раёнкі рэдакцыі газет “Ляхавіцкі веснік”, “Аршанская газета”, “Гомельские ведомости”, “Пастаўскі край”, “Чырвоны кастрычнік» (г. п. Акцябрскі, Гомельская вобласць). У намінацыі “Лепшыя матэрыялы ў друкаваных рэспубліканскіх СМІ” былі адзначаны супрацоўнікі газет “Советская Белоруссия” і “Звязда”. Атрымалі ўзнагароды ЗАТ “Другі нацыянальны канал”, Нацыянальная дзяржаўная тэлерадыёкампанія Беларусі, тэлепраграма “Гарант-ТБ” (Гомель) і тэлерадыёкампанія “Гродна”.
Ушаноўванне пераможцаў адбылося ў Заслаўлі 11 кастрычніка падчас урачыстасці, прысвечанай Дню маці.
Маргарыта САКОВІЧ
Комментарии