Надыход восені звычайна актывізуе работу мясцовай улады па навядзенні парадку на зямлі. У полі зроку знаходзяцца пустуючыя ўчасткі, прыбіранне лістоты на прыдамавых тэрыторыях, добраўпарадкаванне воінскіх пахаванняў і могілак.
Па ініцыятыве райсавета дэпутатаў сельскім Саветам было рэкамендавана 16 кастрычніка правесці суботнік на могілках. Аднак, як адзначае старшыня райсавета Марыя Сандрозд, насельніцтва раёна праявіла слабую актыўнасць. Падтрымалі прапанову толькі жыхары Бабаўнянскага, Доктаравіцкага і Бучацінскага сельскіх Саветаў. Таму Марыя Леанідаўна яшчэ раз звяртаецца з прапановай наведаць святыя мясціны, навесці там парадак. Тым больш, што вельмі хутка Дзень памяці памерлых і бацькоўская памінальная субота.
Комментарии