Паводле інфармацыі ўпраўлення райсельгасхарчу па стане на 18 сакавіка на рахунку трох сельгаспрадпрыемстваў першыя гектары, засеяныя яравымі культурамі. Гэта ААТ “Старыца-Агра” (80 га), “Скабін” (27 га), ЗАТ “Жыліхава” (41 га).
Пераважная большасць гаспадарак вядуць ворыва — усяго заарана пад яравую сяўбу 1988 га, або 25% ад неабходнага. На 1928 га закрыта вільгаць.
Азотнымі ўгнаеннямі падкормлена 3459 га азімых збожжавых культур, 430 га азімага рапсу, 510 га шматгадовых траў, 488 га палепшаных сенажацяў і пашаў.
Пачалося ўнясенне мінеральных угнаенняў пад яравую сяўбу — усяго раскідана 489,4 тоны дзеючага рэчыва, у тым ліку 23,1 т дз. р. азоту, 54,8 т дз. р. фосфару, 411,5 т дз. р. калію. Вывезена 560 351 тона арганікі (88% ад нарыхтаванага), унесена 279 110 тон — 50%.
Ідзе пратручванне насення: на названую дату апрацавана пратручвальнікамі 298,5 тоны. Завезена 183,5 тоны насення эліты з 381 тоны неабходных.
Падрыхтавала Маргарыта САКОВІЧ
Комментарии