24
Навіны рэгіёна: Бучацінскi сельсавет
20.01.2014
Аграрагадок Жыліхава.
Будуецца жыллё.
За кошт сродкаў мясцовага сельгаспрадпрыемства ў аграгарадку вядзецца будаўніцтва пяці новых домікаў. Усяго ж запланавана іх узвесці трынаццаць.
в. Садавічы
Наводзілі парадак
Падчас спрыяльнага надвор’я ў населеным пункце працягваліся работы па добраўпарадкаванні. Асаблівая ўвага надавалася сядзібам, дзе ніхто не жыве. Да таго ж, тут нядаўна арганізаваны цэнтралізаваны збор смецця.
в. Лютовічы
Інвентарызацыя сядзіб
Сельвыканкамам згодна з Указам Прэзідэнта Рэспублікі Беларусь №100 праве-дзена інвентарызацыя пустуючых сядзіб. Усяго на тэрыторыі сельсавета іх зарэгістравана 192, найбольшая колькасць выяўлена ў в. Лютовічы – 25.
в. Смалічы
Праведзены рэйд
Днямі супрацоўнікамі сельвыканкама і мясцовай школы праведзены рэйд па сем’ях, якія знаходзяцца ў сацыяльна небяспечным становішчы. Падчас яго вывуча-ліся ўмовы пражывання, праведзена прафілактычная гутарка.
в. Бучаціна
Вясёлыя канікулы
Напярэдадні Новага года навучэнцы Бучацінскай і Жыліхаўскай СШ упершыню разам адзначылі свята цікавым святочным прадстаўленнем.
Пры падтрымцы аддзела адукацыі, спорту і турызму райвыканкама для бучацінскіх школьнікаў набыта спартыўнае абсталяванне, сярод якога дзесяць пар канькоў. Менавіта яны і былі апрабаваны падчас канікулаў на пляцоўцы Лядовага палаца ў Салігорску.
Падрыхтаваў Сяргей КОЗЕЛ
Поделиться
Автор: info
Комментарии