Па традыцыі ў Шчодры вечар, які адзначаецца 13 студзеня, у аграгарадку Семежава адбудзецца відовішчны і доўгачаканы абрад «Цары».
Адкрые свята ў 14.00 «Калядны кірмаш», дзе ўсе жадаючыя змогуць паўдзельнічаць у разнастайных гульнях, паспрабаваць свае сілы ў спартыўных і забаўляльных атракцыёнах, выпрабаваць удачу ў бяспройгрышнай латарэі. Кропкі выязнога гандлю райспажыўтаварыства, мясцовыя гаспадыні прапануюць самыя смачныя традыцыйныя стравы, якія гатуюць на Капыльшчыне. На свяце таксама выступяць народны тэатр гульні і гумару «Капыльскія пацехі» і народны ансамбль «Спадчына».
А два калектывы «Цароў» у 16 гадзін адправяцца па вуліцах аграгарадка, каб павіншаваць семежаўцаў з Калядамі.
Сяргей ЛАЗОЎСКІ
Фота аўтара
Комментарии