У мінулыя выхадныя ў Бярэзінскім раёне прайшоў абласны этап конкурсу “Уладар вёскі”. 17 маладых сем’яў амаль з усіх раёнаў Міншчыны спаборнічалі ў спартыўных выпрабаваннях, секлі дровы, абіралі бульбу, вязалі венікі, касілі траву, запрагалі каня, паказвалі кулінарнае майстэрства і творчыя здольнасці.
Капыльшчыну прадстаўлялі мінулагоднія пераможцы раённага этапа (і ўдзельнікі пазалеташняга) — сям’я Ігара і Яны Калыханаў з в. Душава
(на здымку). Прыемна адзначыць, што нашы землякі паспяхова пераадолелі конкурсныя выпрабаванні і сталі лідарамі. Ім дадзена магчымасць выступіць за Мінскую вобласць на рэспубліканскім этапе (трэба нагадаць, што летась сям’я Пыкаў з в. Папоўцы стала яго пераможцай). А таксама ў падарунак яны атрымалі каляровы тэлевізар і пару парасят.
Па словах Яны, перамога была даволі хвалюючай. Няпроста было выступаць сярод вельмі моцных сапернікаў з іншых раёнаў. За дапамогу Яна падзякавала сваім калегам з Душаўскага сельскага Дома культуры, аднавяскоўцам, райкаму ГА “БРСМ” і ўсім, хто падтрымліваў сям’ю. Застаецца толькі пажадаць, каб сям’я Калыханаў стала “Уладарамі вёскі” і ў рэспубліцы.
У мінулыя выхадныя ў Бярэзінскім раёне прайшоў абласны этап конкурсу “Уладар вёскі”. 17 маладых сем’яў амаль з усіх раёнаў Міншчыны спаборнічалі ў спартыўных выпрабаваннях, секлі дровы, абіралі бульбу, вязалі венікі, касілі траву, запрагалі каня, паказвалі кулінарнае майстэрства і творчыя здольнасці.
Капыльшчыну прадстаўлялі мінулагоднія пераможцы раённага этапа (і ўдзельнікі пазалеташняга) — сям’я Ігара і Яны Калыханаў з в. Душава (на здымку). Прыемна адзначыць, што нашы землякі паспяхова пераадолелі конкурсныя выпрабаванні і сталі лідарамі. Ім дадзена магчымасць выступіць за Мінскую вобласць на рэспубліканскім этапе (трэба нагадаць, што летась сям’я Пыкаў з в. Папоўцы стала яго пераможцай). А таксама ў падарунак яны атрымалі каляровы тэлевізар і пару парасят.
Па словах Яны, перамога была даволі хвалюючай. Няпроста было выступаць сярод вельмі моцных сапернікаў з іншых раёнаў. За дапамогу Яна падзякавала сваім калегам з Душаўскага сельскага Дома культуры, аднавяскоўцам, райкаму ГА “БРСМ” і ўсім, хто падтрымліваў сям’ю. Застаецца толькі пажадаць, каб сям’я Калыханаў стала “Уладарамі вёскі” і ў рэспубліцы. 
Комментарии